पुणे: आगामी स्थानिक संस्थांच्या निवडणुकीचं (Local Bodies Election) बिगुल वाजलं आहे. प्रत्येक पक्ष (Pune Election) आपापली रणनीती (Sharad Pawar) आखत असतांना आता (Ajit Pwar) पिंपरी-चिंचवडमध्ये दोन्ही राष्ट्रवादी एकत्र येणार या चर्चाना उधाण आलं आहे. अजित पवार यांनी सुप्रिया सुळेंशी संवाद साधला आहे. आता शरद पवारांसोबत चर्चा करून यावर अंतिम निर्णय घेण्यात येईल अशी माहिती कार्यकर्त्यांकडून मिळत आहे. पण जर दोन्ही राष्ट्रवादी एकत्र आल्या तर कोण वरचढ ठरणार? आणि जागावाटप कसं होणार? याकडे आता सर्वांचं लक्ष लागून आहे.
अजित पवार गटाचे शहराध्यक्ष योगेश बहाल यांनी स्पष्ट केलं कि ‘कोण मोठा भाऊ ठरणार आणि कोण छोटा हे महत्वाचं नाही, शेवटी शरद पवार हे अनुभवाने आणि वयाने मोठे आहेत, दोन्ही गट एकत्र आले तर आम्हाला आनंदच आहे’ महापालिकेपासून सर्व कामांमध्ये अजित पवार सक्रिय होते आणि तिकीट वाटपाचे अधिकारीसुद्धा त्यांच्याकडेच होते. दोन्ही गटात फूट पडली तेव्हा 34 नगरसेवक हे अजित पवारांसोबत राहिले आणि फक्त 2 हे नगरसेवक शरद पवारांकडे गेले. त्यामुळे अजित पवार गटाचं वजन स्पष्टपणे जास्त आहे. मात्र हा घरातला प्रश्न आहे आणि अंतिम निर्णय दोन्ही नेतेच घेतील,” असं योगेश बहल यांनी स्पष्ट केलं.
ते पुढे म्हणाले, “अजित पवारांचा संपर्क कायम आहे. 1992 पासून 2017 पर्यंत त्यांनीच पक्षाचं सर्व पाहिलं आहे. त्यामुळे आता जागावाटपाच्या वेळी आमच्याकडून जास्त मागणी होईल. कोणत्या पक्षासोबत जायचं, हा निर्णय घेणं अजितदादांचा अधिकार आहे.”
तर शरद पवार गटाचे शहराध्यक्ष तुषार कामठे म्हणाले, “पिंपरी चिंचवड हे शरद पवारांच्या विचारांचं शहर आहे. इथलं साडेचार लाखांहून अधिक मतदारसंघ त्यांच्या विचारांशी जोडले गेलेले आहेत. त्यामुळे आम्हीच मोठ्या भावाची भूमिका घ्यायला हवी. महाविकास आघाडीमध्ये आम्ही एक पाऊल मागे राहू, पण लोकांची पसंती आमच्याकडे आहे. 2017 मध्ये जे नगरसेवक निवडून आले, ते शरद पवारांच्या नावावर आले होते.”
सध्या दोन्ही गटांपैकी अजित पवार गटाचं पाठबळ जास्त असल्याचे चित्र आहे. 2017 च्या निवडणुकीत राष्ट्रवादीकडे 36 नगरसेवक होते, त्यापैकी 34 अजित पवारांकडे राहिले. आता आगामी निवडणुकीत या दोन्ही गटांची एकजूट झाल्यानंतर पिंपरी चिंचवडमध्ये महाविकास आघाडीमध्ये नवं समीकरण तयार होण्याची शक्यता आहे.
