पुणे : पुणे शहर रोज कोणत्या ना कोणत्या कारणावरुन नेहमी चर्चेत असतं. शहरात आता आणखीन एक धक्कादायक घटना घडली आहे. ती म्हणजे विवाहित महिलेच्या घरी येऊन तिच्या नकळत बेडरुममधील फोटो काढण्यात आले आहे. आणि ते फोटो महिलेला दाखवून तिला बाहेर फिरायला येण्याची मागणी केली आहे. जर ती महिला ऐकली नाहीतर तिच्या पतीला व मुलाला जीवे मारण्याची धमकी दिल्याची माहिती समोर आली आहे.
याप्रकरणी भारती विद्यापीठ पोलिसांनी दोघांवर गुन्हा दाखल केला आहे. हा सर्व प्रकार जानेवारी 2024 ते 8 जून या कालावधीमध्ये कात्रज परिसरात घडला आहे. या घटनेचा पुढील तपास पोलीस करीत आहेत.
या घटनेबाबत सोमवारी (दि.17) भारती विद्यापीठ पोलीस ठाण्यात 30 वर्षीय विवाहित महिलेने फिर्याद दिली आहे. यावरुन देवीदास विठ्ठल बिराजदार (वय-40), धीरज पाटील (दोघे रा. कात्रज) यांच्यावर आयपीसी 354, 354(ब), 354(ड), 506 नुसार गुन्हा दाखल केला आहे. पोलिसांनी आरोपींना सीआरपीसी कलम 41 नुसार नोटीस दिली आहे.
या घटनेसंदर्भात पोलिसांनी दिलेल्या माहितीनुसार, आरोपी देवीदास बिराजदार याने फिर्यादी यांच्या घरी येऊन त्यांच्या नकळत बेडरुममधील फोटो काढले. ते फोटो महिलेला दाखून मी सांगेल तेंव्हा माझ्यासोबत फिरायला यायचे नाही ऐकले तर तुझ्या नवऱ्याला व मुलाला मारून टाकेन अशी धमकी दिली आहे. तसेच महिलेला शरीरावर टॅटू काढण्यास भाग पाडले आहे. आम्ही सांगू तसे वागायचे नाहितर फोटो पतीला दाखवण्याची धमकी देवीदास बिराजदार आणि धीरज पाटील यांनी महिलेला दिली.
पिडीत महिला घराबाहेर गेल्यानंतर तिचा पाठलाग करुन तिच्या सोबत गैरवर्तन करण्याचा प्रयत्न केला. आरोपींच्या धमकीला घाबरून महिलेने तक्रार केली नाही. परंतु, आरोपींकडून होणाऱ्या त्रासाला कंटाळून महिलेने पोलीस ठाण्यात धाव घेतली. यावेळी महिलेने घडलेल्या घटनेबद्दल पोलीसांना माहिती दिली. महिलेच्या तक्रारीवरुन पोलिसांनी दोघांवर गुन्हा दाखल करुन नोटीस दिली आहे. या घटनेचा पुढील तपास पोलीस करीत आहेत.
