कवठे येमाई (पुणे) : सविंदणे (ता. शिरूर) येथील पांडुरंग सखाराम मिंडे व निवृत्ती रंगनाथ मिंडे या दोन शेतकऱ्यांचा प्रत्येकी दोन एकर ऊस मंगळवारी (दि. २३) दुपारी १२ ते १ च्या दरम्यान जळून खाक झाल्याची घटना घडली आहे.
या घटनेची माहिती मिळताच गाव कामगार तलाठी आबासाहेब मोरे यांनी पंचनामा केला. सविंदणे येथील ऊस जळालेले गट नंबर ५८६ व ५८७ या क्षेत्राच्या उत्तरेस महावितरण कंपनीच्या विद्युत तारांची लाईन गेलेली आहे. त्यातून ठिणगी पडून आग लागून ऊस जळाला असल्याचा प्राथमिक अंदाज आहे.
