Bihar Fire News : पाटणामध्ये गुरुवारी भीषण आग लागल्याची घटना घडली आहे. या घटनेत सहा जणांचा मृत्यू झाला आहे तर सात जण गंभी जखमी झालेत. यावेळी जखमी झालेल्यांवर पाटण्याच्या वेगवेगळ्या रुग्णालयांमध्ये उपचार सुरु आहेत.
आग इतकी मोठी होती की, काही क्षणापर्यंत आग दुस-या इमारतीपर्यंत पोहोचली. काही जणांना आगीतून सुखरुप बाहेर काढण्यात अग्निशमन दलाच्या जवानांना यश आले आहे. पाटणा स्टेशनजवळच्या हॉटेलला आग लागवी, त्यानंतर सिलिंडर फुटल्याचे सांगितलं जात आहे.
पोलिसांनी दिलेल्या माहितीनुसार दोन जणांचा मृत्यू घटनास्थळीच झाला तर चार लोकांचा मृत्यू उपचारादरम्यान झाला. आगीवर नियंत्रण मिळवण्यासाठी फायर ब्रिगेडच्या टीमला मोठे कष्ट घ्यावे लागले. या आगीच्या घटनेपासून रेल्वे स्थानक फक्त 50 मीटरच्या अंतरावर आहे. ही आग विझवण्यात अग्निशमन दलाच्या जवानांना यश आले आहे.
