Dound : रस्त्याच्या वादातून एका वकिलाला 7 जणांनी मारहाण केल्याची घटना दौंड तालुक्यातील हिंगणीबेर्डी येथे घडली आहे. याप्रकरणी सात जणांविरुद्ध गुन्हा दाखल करण्यात आला आहे. बुधवारी (ता. 25) दुपारी एक वाजण्याच्या सुमारास हिंगणीबर्डी, ता. दौंड, जि. पुणे गावच्या हदृदीत जमीन गट नंबर 150, 151 मधील रस्त्यावर हि घटना घडली.
याप्रकरणी माऊली बबन वाळके (वय 31, व्यवसाय (वकील) रा. हिंगणीबेर्डी, ता. दौंड) यांनी दौंड पोलीस ठाण्यात फिर्याद दिली आहे. त्यानुसार उत्तम बाबुराव मचिदर, बंकट दत्त् मचिंदर, अमोल उत्तम मचिंदर, सुभाष दादा मचिंदर, पोपट चांगदेव मचिंदर, चांगदेव बाबुराव मचिदर, स्वप्निल सुभाष मचिदर सर्व रा हिंगणीबेर्डी, ता. दौंड) यांच्यावर गुन्हा दाखल करण्यात आला आहे.
पोलिसांनी दिलेल्या माहितीनुसार, बुधवारी दुपारी हिंगणीबेर्डी, गावच्या हदृदीत जमीन गट नंबर 150, 151 मधील रस्त्याच्या वादातून वरील आरोपींनी बेकायदेशीर जमाव करून वकील माऊली वाळके यांना हाताने व लाथाबुक्यांनी मारहाण करून शिवीगाळ दमदाटी केली. तसेच जिवे मारण्याची धमकी दिली.
त्यानुसार दौंड पोलीस फिर्याद दिली आहे. त्यानुसार दौंड पोलिसांनी 7 जणांवर भा.न्या.सं. कलम 115(2), 351(2), 352, 189(2), 191(2) अंतर्गत गुन्हा नोंदविण्यात आला आहे. तपास सहायक फौजदार संतोष शिंदे करीत आहेत.
