केडगाव : सप्तवृक्षापासून दौंड तालुक्यातील केडगाव येथे प्रचलित झालेले सप्त रुक्ष देवस्थान गेले दोन वर्षापासून उदयास आले आहे. या वृक्षांची जोपासना करून या ठिकाणी असलेले सेवेकरी पद्माकर देशमुख हे आध्यात्मिक क्षेत्रामध्ये प्रगती व्हावी व त्याचा प्रचार, प्रसार व्हावा यासाठी त्यांनी श्री दत्त महाराज व सिताराम मामा यांच्या चांदीच्या पादुका त्या ठिकाणी ठेवण्यात आले आहे.
तसेच दोन वर्षापासून सेवेकरी देशमुख हे आषाढी महावारीला या दत्तांच्या पादुका घेऊन जात असतात. आतापर्यंत २९५ पालख्याना त्यांनी या दत्तांच्या पादुकांची भेट घडवून आणली आहे. यादरम्यान ते पालखीच्या प्रमुखांना शाल, श्रीफळ व देणगी स्वरूपात रोख मदत करत असतात, त्यांनी मागील वर्षी १३५ पालख्याना व यावर्षी १६० पालख्याना भेटी देऊन अध्यात्मिक व संप्रदाय क्षेत्राचा प्रचार व प्रसार केला आहे.
सेवेकरी देशमुख म्हणाले, सुख शोधण्यासाठी कुठेही न जाता आत्मिक सुख शोधायचे असेल तर सर्वांनी सत्याचा मार्ग अवलंबून यामध्ये आपण सर्वच परी उतरावे, त्यांनी पुढे जाऊन असे सांगितले की, पुढील वर्षी आमच्या वतीने ज्या पालख्याना भेट दिली जाईल व तेथील भाविक भक्तांना आम्ही मोठ्या स्वरूपात अन्नदान करणार आहोत यावेळी देशमुख यांनी सांगितले.
