Ajit Pawar News : बारामती : देशभरात पंतप्रधान नरेंद्र मोदी यांच्या नेतृत्वाखाली स्वच्छता अभियान राबवण्यात येत आहे. बारामतीत उपमुख्यमंत्री अजित पवार यांनीही स्वच्छता अभियानात सहभाग नोंदवला. या वेळी अनंतनगर येथील एक महिला ओरडत म्हणाली, ‘दादा इथे कचऱ्याची गाडी येत नाही. आली तर थांबत नाही. इथे घंटा गाडी सुरू करा, म्हणजे अजिबात घाण होणार नाही.’ महिलेच्या प्रश्नाची दादांनी हजरजबाबीपणे दखल घेतली. “कचऱ्याची गाडी येत नाही म्हणूनच दादा आलाय. तुमची सूचना योग्य आहे,” असे मिश्कील उत्तर दादांनी दिले. कचऱ्याची गाडी रोजच्या रोज पाठवा, असे निर्देश अजित पवार यांनी मुख्याधिकाऱ्यांना दिले.
कचऱ्याची गाडी रोजच्या रोज पाठवा, असे दिले निर्देश
अजित पवार यांच्या हजरजबाबीपणाची चर्चा राजकारणात अनेकदा होत असते. यावेळी एका महिलेने कचऱ्यासंदर्भात अजित पवार यांच्याकडे आपले गाऱ्हाणे मांडले. (Ajit Pawar News) अजित पवार यांनीही महिलेची अडचण तातडीने सोडवण्याचे आदेश उपस्थित अधिकाऱ्यांना दिले. यामुळे महिलेसह उपस्थितांनी समाधान व्यक्त केले.
देशाभरातील लाखो लोकांनी आजच्या स्वच्छता अभियानात सहभाग नोंदवला. पंतप्रधान मोदींच्या राष्ट्रीय स्वच्छता अभियानाच्या आवाहनानंतर विद्यार्थी, नेते आणि विविध क्षेत्रातील लोकांनी रविवारी, १ ऑक्टोबरला एक तास श्रमदान केले. या वेळी अजित पवार यांनी, बारामती शहरात ठिकठिकाणी श्रमदानातून स्वच्छता करण्याचे काम केले. बारामतीकरांनी घेतलेल्या पुढाकाराबद्दल त्याचे अभिनंदन करतो. (Ajit Pawar News) आपण आपला कचराकचरा कुंडीत टाकला, तर स्वच्छतेचा प्रश्न येणारच नाही, असेही त्यांनी सांगितले.
यावेळी अजित पवार यांनी उपस्थित असलेल्या सर्वांना स्वच्छतेची शपथ दिली.
