ताचिरा: वेनेझुएलातील (Viral Video) ताचिरा प्रांतातील पॅरामिलो एअरपोर्टवरून उड्डाण घेताच एका खासगी विमानाचा भीषण अपघात झाल्याची धक्कादायक घटना समोर आली आहे. विमानाने टेकऑफ घेण्याचा प्रयत्न केला, पण दुर्दैवाने ते काही वेळातच रनवेवर आदळले आणि त्याला तात्काळ आग लागली. प्राथमिक तपासानुसार, विमानाचा टायर फुटल्यामुळे हा अपघात झाला असावा, असा अंदाज वर्तवला जात आहे. या दुर्घटनेत 2 (दोन) व्यक्तींचा जिवंत जळून करुण अंत झाला, तर अन्य 2 (दोन) जण गंभीर जखमी झाले आहेत. या अपघाताचा थरारक व्हिडीओ सोशल मीडियावर वेगाने व्हायरल होत आहे. अपघाताचे नेमके कारण शोधण्यासाठी सखोल तपास सुरू आहे.
पाहा व्हिडीओ:
Dos personas murieron tras el accidente de una avioneta Piper PA-31T1 Cheyenne I, matrícula YV1443, que se estrelló este miércoles en el aeropuerto de Paramillo, en San Cristóbal, estado Táchira, Venezuela.
El siniestro ocurrió durante la maniobra de despegue pic.twitter.com/X0ziW08MiW
— Jorge Falcøn (@n_falc30168) October 23, 2025
अपघाताची माहिती मिळताच अग्निशमन दलाचे जवान तात्काळ घटनास्थळी दाखल झाले आणि त्यांनी आग आटोक्यात आणली. अधिकाऱ्यांनी अपघाताचे नेमके कारण शोधण्यासाठी तपास सुरू केला असून, टायर फुटणे किंवा इतर कोणताही तांत्रिक बिघाड हे या घटनेमागचे संभाव्य कारण असू शकते, असे प्राथमिक तपासात म्हटले आहे.
