पुणे: इराण, इस्रायल आणि शेजारील देशांमध्ये सुरु असलेल्या (Israel Iran Conflict) युद्धामुळे आणि अस्थिर वातावरणामुळे आखाती देशांत रोजगारासाठी गेलेल्या लाखो भारतीयांच्या, विशेषतः महाराष्ट्रातील नागरिकांच्या सुरक्षेचा प्रश्न ऐरणीवर आला आहे. याच पार्श्वभूमीवर महाराष्ट्र सरकारने केंद्र सरकार आणि विविध देशांतील दूतावासांशी समन्वय साधत मदतीचा हात पुढे केला आहे.
मुख्यमंत्री देवेंद्र फडणवीस स्वतः या परिस्थितीवर बारीक लक्ष ठेवून असून त्यांनी केंद्र सरकारशी सातत्याने संपर्क राखला आहे. आखातात अडकलेल्या नागरिकांच्या अडचणी सोडवण्यासाठी आणि त्यांच्या कुटुंबांना धीर देण्यासाठी मंत्री गिरीश महाजन यांची ‘समन्वयक’ म्हणून नियुक्ती करण्यात आली आहे. दुबईतील ‘इंडियन पीपल्स फोरम’च्या मदतीने राज्य सरकारने एक विशेष व्हॉट्सॲप क्रमांक जारी केला आहे, जेणेकरून संकटात सापडलेल्या नागरिकांना थेट संपर्क साधता येईल.
नागरिकांसाठी महत्त्वाची ‘ॲडव्हायझरी’
भारत सरकारने पॅलेस्टाईन, कतार, सौदी अरेबिया, इस्रायल, इराण आणि इराकसह 11 देशांतील भारतीयांसाठी कडक सुरक्षा नियमावली जारी केली आहे.
-
सतर्क राहा: स्थानिक प्रशासनाच्या सूचनांचे तंतोतंत पालन करा.
-
अनावश्यक प्रवास टाळा: युद्धजन्य भागात फिरणे टाळा आणि सुरक्षित स्थळी आश्रय घ्या.
-
दूतावासाशी संपर्क: कोणत्याही आपत्कालीन परिस्थितीत 24 x 7 हेल्पलाइन क्रमांकावर संपर्क साधावा.
आपत्कालीन हेल्पलाइन क्रमांक
| देश | संपर्क क्रमांक | ईमेल |
| इस्रायल | +972-54-7520711 / +972-54-2428378 | cons1.telaviv@mea.gov.in |
| इराण | +989128109115 / +989128109109 / +989128109102 / +989932179359 | – |
| सौदी अरेबिया | 800 247 1234 | cw.riyadh@mea.gov.in |
| दुबई (UAE) | +971543090571 (WhatsApp) | ca.abudhabi@mea.gov.in |
