मुंबई: मुंबईतील ब्ल्यू सी हॉटेलमध्ये (Raj Thackeray Udhhav Thackeray) पत्रकार परिषद घेऊन ठाकरे बंधूंच्या (Thackeray Brand) युतीची अधिकृत घोषणा झाली आहे. या घोषणेआधी (Big Breaking) शिवसेना उद्धव बाळासाहेब ठाकरे गट आणि महाराष्ट्र नवनिर्माण सेनेच्या युतीला (Maharashtra Politics) भावनिक पार्श्वभूमी मिळाली. उद्धव ठाकरे (Shivsena) आणि राज ठाकरे (MNS) यांनी एकत्र येत शिवसेनाप्रमुख बाळासाहेब ठाकरे यांच्या स्मृतिस्थळावर जाऊन अभिवादन केले. (Latest Breaking News)
या वेळी स्मृतिस्थळावर संपूर्ण ठाकरे कुटुंब उपस्थित होते. उद्धव ठाकरे आणि राज ठाकरे यांच्यासह आदित्य ठाकरे, रश्मी ठाकरे, अमित ठाकरे आणि शर्मिला ठाकरेही उपस्थित होत्या. अनेक वर्षांनंतर ठाकरे कुटुंब एकत्र दिसल्याने उपस्थितांमध्ये भावनिक वातावरण निर्माण झाले. या क्षणांनी केवळ उपस्थितच नव्हे तर संपूर्ण महाराष्ट्र भावूक झाल्याचे पाहायला मिळाले. (Marathi News)
उद्धव ठाकरे आणि राज ठाकरे यांनी एकत्रितपणे बाळासाहेब ठाकरे यांच्या स्मृतिस्थळाला अभिवादन केले. त्याचप्रमाणे रश्मी ठाकरे आणि शर्मिला ठाकरे यांनीही एकत्र अभिवादन केले, तर आदित्य ठाकरे आणि अमित ठाकरे यांनीही एकत्र येत स्मृतिस्थळाला नमन केले. या दृश्यामुळे ठाकरे कुटुंबातील ऐक्याचे चित्र पुन्हा एकदा समोर आले.
युतीच्या घोषणेआधी राज ठाकरे यांच्या आईने दोन्ही बंधूंना ओवाळले. या प्रसंगाने उपस्थित कार्यकर्ते आणि समर्थक अधिकच भावूक झाले. ठाकरे बंधूंच्या एकत्र येण्याला कार्यकर्त्यांमध्ये मोठा प्रतिसाद मिळताना दिसत आहे.
दरम्यान, शिवसेना उद्धव ठाकरे गट आणि महाराष्ट्र नवनिर्माण सेनेच्या युतीच्या पार्श्वभूमीवर नागपुरातही जल्लोष करण्यात आला. महाराष्ट्र नवनिर्माण सेनेच्या वतीने हा जल्लोष साजरा करण्यात आला. नागपुरातील मानकापूर परिसरातील मनसे कार्यालयाबाहेर ढोल, डीजे आणि फटाक्यांच्या आतषबाजीत आनंद व्यक्त करण्यात आला.
ठाकरे गटाची शिवसेना आणि महाराष्ट्र नवनिर्माण सेनेची होत असलेली युती यामुळे दोन्ही पक्षांतील कार्यकर्त्यांमध्ये उत्साहाचे वातावरण निर्माण झाले असून, आगामी राजकीय घडामोडींकडे संपूर्ण राज्याचे लक्ष लागले आहे.
