ठाणे: ठाकरे गटाचे प्रमुख उद्धव ठाकरे यांच्या गाडीवर महाराष्ट्र नवनिर्माण सेनेच्या कार्यकर्त्यांकडून शेण फेकण्यात आले आहे. ठाण्यामध्ये उद्धव ठाकरेंचा आज ‘भगवा सप्ताह मेळावा’ पार पडणार आहे. त्यापूर्वी मनसैनिकांकडून ठाकरेंच्या कारवर हल्ला करण्यात आला आहे. दोन दिवसांपूर्वी मराठवाडा दौऱ्यावर असताना मनसे अध्यक्ष राज ठाकरे यांच्या ताफ्यासमोर सुपाऱ्या फेकण्यात आल्या होत्या. त्यानंतर आता मनसेने देखील थेट उद्धव ठाकरेंच्या गाडीवर शेण फेकले आहे. उद्धव ठाकरेंचा ताफा जात असताना त्यांच्या गाडीवर शेण फेकले आहे. तसेच ठाकरेंच्या बांगड्या आणि टोमॅटोही फेकण्यात आले.
शिवसेना-उद्धव बाळासाहेब ठाकरे पक्षप्रमुख उद्धव ठाकरेंचा आज ठाण्यातील रंगतनमध्ये मेळावा पार पडणार आहे. त्यापूर्वी या सभास्थळी मनसैनिक घुसले आहेत. सभास्थळी महाराष्ट्र नवनिर्माण सेनेच्या कार्यकर्त्यांकडून गोंधळ घालण्यात आला. पोलिसांनी संबंधित मनसैनिकांची धरपकड सुरु केली आहे. या मनसैनिकांच्या वतीने उध्दव ठाकरे यांच्या ताफ्यातील गाडीवर फुगे मारण्यात आले आहेत. येथे कार्यकर्त्यांमध्ये बाचाबाची देखील झाली आहे. मनसेच्या वतीने बांगड्या टाकून उद्धव ठाकरे यांचा निषेध करण्यात येत आहे. त्यानंतर मनसे पदाधिकाऱ्यांकडून उद्धव ठाकरे यांच्या वाहनाखाली टायर जवळ सुपारी देखील ठेवण्यात आलेल्या आहेत.
