मुंबई: नाशिकच्या सदनिका घोटाळा (Manikrao Kokate) प्रकरणात दोषी ठरल्यानंतर मंत्रिपदाचा (Manikrao Kokate Resign) राजीनामा दिलेले (Manikrao Kokate Arrest Warrant) राष्ट्रवादी काँग्रेसचे नेते आणि माजी (Manikrao Kokate Controversy) मंत्री माणिकराव कोकाटे यांच्याबाबत आज महत्त्वाच्या घडामोडी घडत आहेत. मुंबईतील लीलावती रुग्णालयात कोकाटेंवर अँजिओग्राफी करण्यात आली असून, त्यांच्या प्रकृतीचा वैद्यकीय अहवाल पुढील कायदेशीर कारवाईसाठी निर्णायक ठरणार आहे. (Maharashtra Politics)
आजच अटकेची शक्यता
सूत्रांकडून मिळालेल्या माहितीनुसार, नाशिक पोलिसांनी लीलावती रुग्णालय प्रशासनाकडे अँजिओग्राफीसह संपूर्ण वैद्यकीय अहवालाची अधिकृत मागणी केली आहे. कोकाटेंची प्रकृती स्थिर असल्याचे अहवालात स्पष्ट झाल्यास, आजच अटकेची कारवाई होण्याची शक्यता व्यक्त केली जात आहे. मागील सुमारे 1.5 तासांपासून नाशिक पोलिसांची टीम लीलावती रुग्णालयात उपस्थित असून अहवाल मिळाल्यानंतर तो थेट न्यायालयात सादर केला जाणार आहे. (Marathi News)
कोकाटेंना विश्रांतीचा सल्ला
दरम्यान, लीलावती रुग्णालय प्रशासन आज दुपारी 4 वाजता कोकाटेंच्या प्रकृतीबाबत मेडिकल बुलेटिन जाहीर करणार आहे. सध्या कोकाटे अतिदक्षता विभागात उपचार घेत असून त्यांचा उच्च रक्तदाब नियंत्रणात ठेवण्यासाठी विशेष काळजी घेतली जात आहे. रुग्णालयात कोकाटेंची पत्नी सीमा कोकाटे आणि मुलगी सीमंतिनी कोकाटे उपस्थित आहेत. डॉक्टरांनी कोकाटेंना पूर्ण विश्रांती घेण्याचा सल्ला दिला असून कोणताही मानसिक किंवा शारीरिक ताण टाळण्यास सांगितले आहे. (Latest Marathi News)
आज सुनावणी
आज दुपारी 3 वाजता मुंबई उच्च न्यायालयात माणिकराव कोकाटे यांनी दाखल केलेल्या याचिकेवर सुनावणी होणार आहे. या याचिकेत सत्र न्यायालयाने दिलेल्या शिक्षेला स्थगिती देण्याची मागणी करण्यात आली आहे. मात्र, ही सुनावणी नाशिक मुख्य दंडाधिकारी न्यायालयाने जारी केलेल्या अटक वॉरंटशी थेट संबंधित नाही. नाशिक न्यायालयाने दोषी ठरवलेल्या आरोपींना अटक करून हजर करण्याचे आदेश दिले आहेत.
वैद्यकीय अहवाल, उच्च न्यायालयातील सुनावणी आणि अटक वॉरंट या तिन्ही बाबी लक्षात घेता माणिकराव कोकाटेंसाठी आजचा दिवस अत्यंत निर्णायक ठरणार असल्याचे बोलले जात आहे.
