मुंबई: कोणताही पती (Crime News) आपल्या पत्नीला विकण्याचा विचार (Mumbai News) करू शकतो का, असा धक्कादायक प्रश्न मुंबईतील एका घटनेमुळे उपस्थित झाला आहे. येथे एका विवाहित महिलेने आपल्या पतीविरोधात गंभीर आरोप केले असून, पतीने तिचे अश्लील फोटो आणि व्हिडिओ मित्रांमध्ये व्हायरल केल्याचा दावा तिने केला आहे. या प्रकरणी महिलेने भिवंडी पोलीस ठाण्यात तक्रार दाखल केली आहे. (Breaking News)
अश्लील फोटो मित्रांना पाठवले
भिवंडी पोलीस ठाण्याच्या हद्दीत राहणाऱ्या या महिलेचे लग्न 3 वर्षांपूर्वी झाले होते. लग्नानंतर सुमारे अडीच वर्षे संसार सुरळीत सुरू होता. मात्र, सुमारे एक महिन्यापूर्वी पतीच्या वागण्यात अचानक बदल झाल्याचे महिलेने तक्रारीत नमूद केले आहे. पतीने तिचे आक्षेपार्ह फोटो काढून ते आपल्या मित्रांना पाठवले, तसेच एक व्हिडिओही व्हायरल केल्याचा आरोप तिने केला आहे. (Latest Marathi News)
जाब विचारल्यास मारहाण
या प्रकाराची माहिती मिळाल्यानंतर पत्नीने पतीला जाब विचारला असता त्याने तिची मारहाण केली. त्यानंतर जबरदस्तीने तिला दारू पाजण्यात आली. दारूच्या नशेत असताना पती कोणाला तरी फोनवर सांगत होता की, मी तिला विकून टाकणार आहे, म्हणूनच हा आक्षेपार्ह व्हिडिओ बनवला आहे, असे पत्नीने ऐकल्याचे तिने सांगितले आहे.
पीडित महिला गर्भवती
पीडित महिला सध्या 5 महिन्यांची गर्भवती आहे. मात्र, तरीही पतीकडून तिच्यावर वारंवार मारहाण केली जात असल्याचा आरोप तिने केला आहे. सततच्या त्रासाला कंटाळून ती सध्या आपल्या बहिणीकडे राहायला गेली आहे. महिलेने सांगितले की, यापूर्वी तिने पोलिसांकडे तक्रार केली होती, मात्र कोणतीही कारवाई झाली नाही. त्यानंतर तिने पोलीस अधीक्षकांची भेट घेऊन लेखी तक्रार दिली. या तक्रारीत मला न्याय मिळाला नाही, तर मी माझे आयुष्य संपवेन, असेही तिने नमूद केले होते.
या प्रकरणाची गंभीर दखल घेत पोलीस अधीक्षकांनी भिवंडी पोलिसांना तात्काळ कारवाईचे आदेश दिले आहेत. त्यानुसार पोलिसांनी आरोपी पतीविरोधात गुन्हा दाखल केला आहे. सध्या या प्रकरणाचा पुढील तपास सुरू आहे.
