शुभम गजभिये
शेगांव (बु) : स्थानिक शेगांव (बु) पोलीस हद्दीत येत असलेल्या ग्रामीण भागात सावरी (बिड)गावात गाव खेड्यात मोठ्या प्रमाणात अवैध धंदे जोरात सुरू असून इथे दिवसाढवळ्या सर्रासपणे सट्टा पट्टी अवैध दारू विक्री केली जाते. शेगाव (बु) पोलीस स्टेशन अंतर्गत येत असलेल्या ग्रामीण भागात मोठ्या प्रमाणात अवैद्य व्यवसाय सुरू असल्याने ग्रामीण भागातील विद्यार्थी तसेच नवयुवक यांचे भविष्य अंधःकारमय होत असल्याचे भयानक चित्र समाजात पाहायला मिळत आहे. तेव्हा विद्यार्थी युवक वर्गाच्या भविष्याचा विचार लक्षात घेऊन सगळे अवैध धंदे तात्काळ बंद करण्यात यावे. अशी मागणी सामाजिक कार्यकर्ते प्रहारसेवक विनोद उमरे यांनी केली आहे.
सविस्तर माहिती अशी की, गेल्या वर्षीपासून शेगाव (बु) पोलीस स्टेशन अंतर्गत ग्रामीण भागात अवैध धंदे, सट्टापट्टी, अवैध दारू विक्री सर्रासपणे सुरू असून याची माहिती स्थानिक पोलीस पाटील आणि संबंधित पोलीस प्रशासनाला दिली असली तरी पोलीस पाटील व पोलीस प्रशासन याबाबत कोणतीही कारवाई करत नाही. यामुळे आता प्रशासनावर प्रश्नचिन्ह निर्माण होत आहे. युवा विद्यार्थी, तरुण वर्ग यांच्या भविष्याचा विचार करताना कोणी दिसत नाही. तर आज ग्रामीण भागातील परिस्थिती पाहिली असता अनेक युवक कमी मेहनतीमीध्ये जास्त पैसा कमवायच्या मार्गी लागले आहे.
तसेच ओपन नेटच्या नादात मद्य प्राशन करून व्यसनाच्या मार्गी लागल्याचे दिसून येत आहेत. हे सर्व भयानक चित्र पाहायला मिळत असून पोलीस स्टेशन शेगाव (बु) अंतर्गत येत असलेले ग्रामीण भागातील अवैध धंदे तात्काळ बंद करण्यात यावे. अशी मागणी सामाजिक कार्यकर्ते विनोद उमरे यांनी केली आहे.
