Shahaji Bapu Patil : सांगोल्यात शहाजी बापू पाटील (Shahaji Bapu Patil) यांच्या कार्यालयावर LCB आणि निवडणूक आयोगाच्या टीमनं धाड टाकली आणि त्या संपूर्ण कारवाईचं रेकॉर्डिंगही करण्यात आलं. ही धाड पडताच सांगोला राजकारणात एकच खळबळ उडाली. या सगळ्या प्रकारावर देवेंद्र फडणवीस (devendra fadnavis) यांनीही प्रतिक्रिया दिली आहे. Shahaji Bapu Patil
याचबरोबर, काल रात्रीनं आमदार बाबासाहेब देशमुख (MLA babasaheb deshmukh) यांच्या प्रचार कार्यालयाचीही तपासणी करण्यात आली. ही कारवाई पालकमंत्री जयकुमार गोरे (jaykumar gore) आणि माजी आमदार दीपक आबा साळुंखे यांच्या सांगण्यानं झाली असल्याचा थेट आरोप शहाजी बापूंनी केला. सांगोला नगरपरिषद निवडणुकीत (Sangola nagar parishad) भाजपाचा पराभव होणार दिसत असल्यामुळं त्यांनीच ही कारवाई घडवून आणली, असा आरोपही त्यांनी केला.
शहाजी बापू यांच्या डोळ्यांत पाणी
धाडीच्या वेळी शहाजी बापू इतके भावूक झाले की त्यांच्या डोळ्यांतही पाणी आलं. हा सगळा प्रकार ते मुख्यमंत्री देवेंद्र फडणवीस आणि उपमुख्यमंत्री एकनाथ शिंदे यांच्यापर्यंत पोहोचवणार असल्याचं त्यांनी सांगितलं. त्यांच्या या आरोपांवर बोलताना फडणवीस म्हणाले, “धाड टाकताना सत्ताधारी-विरोधक असं काही पाहिलं जात नाही. माझीदेखील गाडी तपासली जाते.”
फडणवीस पुढं म्हणाले की, तक्रार आली की कारवाई केली जाते. यात राजकारण शोधण्यासारखं काही नाही. मात्र धाडी नंतर शहाजी बापूंनी थेट भाजपावरच बोट ठेवत गंभीर आरोप केले. “यापूर्वी आपण निवडणुकीवेळी कायम भाजपालाच मदत केली,” असंही त्यांनी सांगितलं.
आता या सगळ्या प्रकारावर उपमुख्यमंत्री एकनाथ शिंदे (eknath shinde) काय म्हणतात, याकडे सगळ्यांचं लक्ष लागलं आहे. धाड का पडली, कुणी तक्रार केली, नेमकं काय घडलं यावरून सांगोल्यात तणावाचं वातावरण निर्माण झालं आहे.
