पुणे : पुण्यातील स्वारगेट बस स्थानकामध्ये एका 26 वर्षीय तरुणीवर अत्याचार झालेल्याच्या घटनेने पुण्यासह राज्यभरातून संताप व्यक्त केला जात आहे. या प्रकरणातील नराधम आरोपी दत्तात्रय गाडे याला 12 मार्चपर्यंत कोर्टाने पोलीस कोठडी सुनावली आहे. अशातच आता राष्ट्रवादी काँग्रेसच्या नेत्या रूपाली पाटील ठोंबरे यांनी सोशल मीडियावर केलेल्या पोस्टने खळबळ उडाली आहे.
या पोस्टमध्ये त्यांनी असं म्हटलं आहे की, पुणे शिवाजी कोर्टात बस स्टँड मधील आरोपीला आणायच्या वेळी डीसीपी गिल साहेब यांनी माझी चौकशी केली. मॅडम तुम्ही आंदोलन करणार असेल आरोपीला काळे फासणार असेल तर प्लीज करू नका.त्याचवेळी साहेबांना सांगितले घटनेची खरी माहिती घेऊन त्याची प्राथमिक माहिती खरी असल्याची खात्री केल्याशिवाय मी बोलतही नाही आणि कोणतेच आंदोलन मी करणार नाही. तुम्हाला विश्वास नसेलतर तुमच्या सोबत थांबते. मला कोर्टात रिमांड रिपोर्ट पहायचा आहे.केसची माहिती घेणे केसचा स्टडी करणे गरजेचे आहे, असं या पोस्टमध्ये लिहिल आहे.
स्वारगेट बसमधील अत्याचार प्रकरणी नराधम गाडे मार्चपर्यंत कोर्टाने पोलीस कोठडी सुनावली असली तरी त्याला फाशी व्हावी अशी मागणी सर्व स्तरातून होत आहे .दरम्यान युक्तिवाद करताना आरोपीच्या वकिलाने कोर्टामध्ये हे संबंध संमतीने झाल्याचा आणि प्रकार पैशाच्या देवाण-घेवाणीवरून झाल्याचा दावा केला आहे. या दाव्यामुळे प्रकरणाला वेगळच वळण लागल आहे. त्यानंतर आता रूपाली पाटील यांच्या एका पोस्टमुळे पुन्हा एकदा चर्चांना उधाण आल आहे. पुणे नाहकच बदनाम झाले एका संमतीच्या संबंधात व्यवहाराचे पैसे दिले नाही म्हणून याचा प्रचंड खेद वाटतो असा दावा ठोंबरे यांनी केला आहे. त्यामुळे राजकीय वर्तुळात चर्चांना उधाण आल आहे.
