पुणे: पुणे (Pune News) शहरात सध्या भाषावादाचा एक नवा व्हिडिओ मोठ्या प्रमाणात व्हायरल होत आहे. एका तरुणाने ‘मी मराठी बोलणार नाही’ असे वक्तव्य केल्याने स्थानिकांनी त्याला चांगलेच धारेवर धरले. मिळालेल्या माहितीनुसार, संबंधित तरुणाने आपली गाडी पार्क केली होती. त्याला पार्किंगचे शुल्क द्यायचे होते, पण त्याच्याकडे सुटे पैसे नव्हते. याच शुल्कावरून त्याची पार्किंगचा चार्ज घेणाऱ्या व्यक्तीसोबत बाचाबाची सुरू झाली. पार्किंग शुल्क घेणारा व्यक्ती स्थानिक भाषा (मराठी) वापरत असताना मराठीत बोलत असताना, तरुणाने मात्र त्याला सातत्याने फक्त हिंदीतच प्रतिसाद दिला. ‘मला मराठी भाषा येत नाही’ आणि ‘मी गुजराती असल्यामुळे हिंदी बोलतो,’ असे स्पष्टीकरण त्याने व्हिडिओमध्ये दिले.
पाहा व्हिडीओ:
पुण्यात मराठी बोलण्यास नकार देणाऱ्या गुजराती तरुणाला हात जोडून माफी मागायला लावल्याचा एक व्हिडिओ सध्या तेजीने व्हायरल होतोय#Pune #marathihindi #languagedispute #VIRALVIDEOS pic.twitter.com/69Oz9MbYIR
— Simran G. (@noonecanbeat142) December 9, 2025
स्थानिकांनी माफी मागायला लावली
तरुणाच्या आडमुठ वागण्यामुळे तिथे जमलेले काही स्थानिक तरुण खूप संतापले. त्यांनी त्या तरुणाभोवती जमा होऊन त्याला जाब विचारला. ‘पुण्यात वास्तव्य करायचे असेल, तर मराठी भाषा शिकण्यात कोणती अडचण आहे?’ असा थेट प्रश्न त्यांनी त्याला विचारला. हा वाद इतका वाढला की, अखेरीस त्या तरुणाला विनम्रपणे हात जोडून ‘माझ्याकडून चूक झाली’ अशी माफी मागायला लागली. सोशल मीडियावरवर मात्र लोकांच्या संमिश्र प्रतिक्रिया पाहायला मिळत आहे.
