प्रतिनिधी
पोपट पाचंगे
Pune News: रांजणगाव गणपती: – पुणे – अहिल्यानगर महामार्गावरील शिरुर बाह्य वळण मार्गावर अनधिकृत असलेला दुभाजक बंद करण्यात आल्याने स्थानिक नागरिकांनी समाधान व्यक्त केले. या महामार्गावरील सर्वच अनधिकृत दुभाजक तातडीने बंद करण्याची मागणी माजी आमदार ऍड अशोक पवार यांनी संबंधित विभागाकडे केली आहे.
हेही वाचा- बिबट्याच्या हल्ल्यात जीव गमावल्यास कुटुंबीयांना मिळणार थेट ‘सरकारी नोकरी’?
शिरुर बाह्यवळण मार्गाजवळील पाषाणमळा येथे शिरुर येथील उद्योजक संकेत संतोष गांधी (वय.31) यांचा एका खाजगी बसने धडक दिल्याने गुरुवारी, दि.4 डिसेंबर रोजी मृत्यू झाला. त्यांच्या अंत्यविधीवेळी ज्या ठिकाणी अपघात झाला तो दुभाजक तातडीने कायमस्वरूपी बंद करण्याचे आश्वासन माजी आमदार ऍड अशोक पवार यांनी दिले होते. त्यानुसार पवार यांनी कृषिमंत्री दत्तात्रय भरणे यांच्याशी संपर्क साधून संबंधित विभागाच्या अधिकाऱ्यांना दुभाजक बंद करण्याची सूचना द्यावी, अशी विनंती केली होती. त्यानंतर माजी आमदार ऍड पवार यांच्या सूचनेची कृषिमंत्री भरणे यांनी तातडीने दखल घेत शनिवारी, दि.6 दुभाजक बंद करण्याचे काम सुरु झाले.
यावेळी माजी आमदार ऍड अशोक पवार,सरदवाडीचे माजी उपसरपंच कृष्णा घावटे आदी उपस्थित होते. दरम्यान, संबंधित अनधिकृत दुभाजक तात्काळ बंद करण्यात आल्याने नागरिकांनी समाधान व्यक्त केले.
