Palash Muchhal : भारतीय महिला क्रिकेटपटू स्मृती मानधनाने सोशल मीडियावर पोस्ट करून संगीतकार पलाश मुच्छल याच्यासोबतचे लग्न रद्द झाल्याचे जाहीर केल्यानंतर, या चर्चांना पूर्णविराम मिळाला आहे. मात्र, या घोषणेनंतर पलाश मुच्छलच्या आयुष्यातील वादळ थांबायला तयार नाही. स्मृतीच्या पोस्टनंतर पलाशने तातडीने त्याच्या सोशल मीडिया अकाऊंटवरून स्मृती मानधनासोबतचे अनेक फोटो आणि व्हिडिओ डिलिट केले आहेत. मात्र, त्यानंतरही पलाश मुच्छल सोशल मीडियावर प्रचंड ट्रोल होत असून, त्याचे ‘जगणे कठीण’ झाले आहे. (Palash Muchhal)
पलाश मुच्छलवर स्मृती मानधनाची फसवणूक केल्याचा दावा सोशल मीडियावर केला जात आहे. यासंदर्भात अनेक कथित व्हॉट्सअॅप चॅट्स शेअर करत पलाशवर स्मृतीला धोका दिल्याचा गंभीर आरोप करण्यात आला आहे. स्मृती मानधानाच्या पोस्टनंतर पलाश मुच्छलने तातडीने फोटो आणि व्हिडिओ डिलिट केले असले तरी, इन्स्टाग्रामवर अजूनही स्मृती मानधनासोबतचा एक फोटो त्याने डिलिट केलेला नाही. या एका फोटोमुळे तो अधिक टीकेचा धनी ठरत आहे.
सोशल मीडिया वापरकर्त्यांनी पलाशला हा फोटो डिलिट करण्याचा सल्ला दिला आहे. एका वापरकर्त्याने तर त्याला थेट इन्स्टाग्राम अकाऊंटच डिलिट करण्याचा सल्ला दिला आहे, तर दुसऱ्या एका युजरने त्याला धमकीवजा इशारा दिला आहे की, “स्मृती मानधनासोबतचे सर्व फोटो डिलिट कर, नाहीतर आरसीबी (RCB) तुला सोडणार नाही.” या प्रकारच्या ट्रोलिंगमुळे पलाश मुच्छल सध्या मोठ्या मानसिक दबावाखाली असल्याचे चित्र आहे.
