पुणे: पुणे विभागातील पदवीधर आणि शिक्षक मतदारसंघांसाठी नव्याने मतदार यादी तयार करण्याची प्रक्रिया सुरू आहे. या 2025 च्या कार्यक्रमानुसार प्रसिद्ध झालेल्या प्रारुप मतदार यादीतील आकडेवारी समोर आली आहे, जी गेल्या निवडणुकीच्या तुलनेत कमी आहे. त्यामुळे पात्र मतदारांनी नोंदणी करावी, असे आवाहन निवडणूक आयोगाने केले आहे. विभागीय आयुक्त तथा मतदार नोंदणी अधिकारी डॉ. चंद्रकांत पुलकुंडवार यांनी दिलेल्या माहितीनुसार, पुणे विभागात पदवीधर आणि शिक्षक मतदारांची एकूण संख्या खालीलप्रमाणे नोंदवली गेली आहे:
-
पदवीधर मतदार:
-
पुणे: 54 हजार 810
-
सातारा: 35 हजार 879
- सांगली: 70 हजार 720
-
सोलापूर: 30 हजार 472
-
कोल्हापूर: 80 हजार 180
-
-
शिक्षक मतदार:
-
पुणे: 9 हजार 778
- सातारा: 8 हजार 492
- सांगली: 6 हजार 134
-
सोलापूर: 11 हजार 198
-
कोल्हापूर: 8 हजार 631
-
गेल्या 2020 च्या निवडणुकीतील आकडेवारी पाहता, यावेळी नोंदणी कमी झाल्याचे चित्र आहे. 2020 मध्ये पदवीधर मतदारसंघासाठी 4 लाख 20 हजार 896 मतदारांची नोंद झाली होती, तर शिक्षक मतदारांची संख्या 72 हजार 190 इतकी होती. यंदाच्या प्रारुप यादीतील ही संख्या मागील नोंदणीपेक्षा लक्षणीय कमी आहे.
दावे, हरकती आणि अंतिम यादी
मतदारांना 18 डिसेंबर 2025 पर्यंत दावे व हरकती दाखल करता येतील, ज्यासाठी नमुना क्रमांक 18 (पदवीधर) आणि 19 (शिक्षक) वापरावा लागेल. दावे-हरकती 5 जानेवारी 2026 रोजी निकाली काढून, या यादीची अंतिम प्रसिद्धी 12 जानेवारी 2026 रोजी केली जाणार आहे.
