पुणे: शिवणे परिसरातील वीजपुरवठा (Pune News) अधिक सक्षम आणि सुरळीत (Pune Traffic) करण्यासाठी महावितरणकडून नवीन भूमिगत विद्युत वाहिनी टाकण्याचे काम हाती घेण्यात आले आहे. या कामासाठी शिवणे ते नांदेड पूल हा रस्ता आज रात्री तात्पुरता बंद ठेवण्यात येणार आहे. (Pune Road Diversion)
‘हा ‘ रास्ता वाहतुकीसाठी बंद
महावितरणकडून देण्यात आलेल्या माहितीनुसार, शनिवार 13 डिसेंबर रोजी रात्री 10 वाजल्यापासून ते रविवारी पहाटे 6 वाजेपर्यंत मारुती मंदिर (शिवणे) ते नांदेड पूल हा रस्ता सर्व प्रकारच्या वाहतुकीसाठी पूर्णपणे बंद राहणार आहे. या कालावधीत रस्त्यावर काँक्रिट खोदून भूमिगत विद्युत वाहिनी टाकण्याचे काम करण्यात येणार असल्याने सुरक्षिततेच्या कारणास्तव हा निर्णय घेण्यात आला आहे. (Breaking News)
महावितरणाचे काम सुरु
शिवणे येथील महावितरणच्या सहाय्यक अभियंत्यांनी सांगितले की, शिवणे, वारजे, कोंढवे–धावडे, उत्तमनगर, न्यू कोपरे तसेच लगतच्या गावांमध्ये वीजपुरवठा अधिक स्थिर आणि दर्जेदार होण्यासाठी हे काम आवश्यक आहे. रस्ता अरुंद असल्याने कामाच्या ठिकाणी दोन्ही बाजूंना बॅरिकेड्स लावण्यात येणार आहेत. या काळात वाहनचालकांनी आणि नागरिकांनी पर्यायी रस्त्यांचा वापर करावा, असे आवाहन महावितरण प्रशासनाने केले आहे. कामादरम्यान नागरिकांना होणारा त्रास टाळण्यासाठी ही पूर्वसूचना देण्यात आली आहे.
नागरिकांना आवाहन
शिवणे, वारजे, कोंढवे–धावडे, उत्तमनगर, न्यू कोपरे, नांदेड, खडकवासला, धायरी आणि किरकटवाडी परिसरातील नागरिकांनी या कामासाठी सहकार्य करावे, असे महावितरणकडून सांगण्यात आले आहे. वीजपुरवठा सुधारण्यासाठी हे काम महत्त्वाचे असून, नागरिकांच्या सोयीसाठी ते शक्य तितक्या लवकर पूर्ण करण्याचा प्रयत्न करण्यात येणार आहे.
