पुणे : घरगुती वादाच्या कारणातून एका ३४ वर्षीय तरुणाने खडकवासला धरणात उडी घेऊन आत्महत्या केल्याची घटना उघडकीस आली आहे. हि घटना गुरुवारी (ता. ०५) सकाळी उघडकीस आली असून त्याचा मृतदेह पाटबंधारे विभागाच्या अधिकाऱ्यांना पाण्यावर तरंगताना दिसून आला आहे.
खडकवासला धरणाच्या अकरा नंबर मोरी जवळ आढळला मृतदेह
स्वप्निल रामभाऊ कणसे (वय ३४, मुळ रा. लोखंडी सावरगाव ता. आंबेजोगाई जि. बीड, सध्या रा. सिद्धी हाईट्स, शिवणे, पुणे) असे आत्महत्या केलेल्या तरुणाचे नाव आहे.
स्थानिक नागरिकांनी दिलेल्या माहितीनुसार, स्वप्निल कणसे हा पेंटर असून त्याला दारू पिण्याचे व्यसन होते. दारू पीत असल्याच्या कारणावरून त्याचे घरातील इतर सदस्यांबरोबर वारंवार भांडणे होत होती. बुधवारी (ता. ०४) त्याने घरी भांडणे केली व दुपारी घरातून निघून गेला. (Pune News) स्वप्निल घरी न आल्याने त्याच्या आईने उत्तमनगर पोलीस ठाण्यात तो बेपत्ता असल्याची तक्रार दाखल केली होती.
गुरुवारी सकाळी दहा वाजण्याच्या सुमारास खडकवासला धरणाच्या अकरा नंबर मोरी जवळ पाटबंधारे विभागाच्या कर्मचाऱ्यांना पाण्यावर एक मृतदेह तरंगत असल्याचे दिसून आले. (Pune News) त्यानुसार अधिकाऱ्यांनी तात्काळ हवेली पोलीस ठाण्याला माहिती दिली. त्यानुसार तात्काळ पोलीस घटनास्थळी दाखल झाले.
दरम्यान, पीएमआरडीएच्या नांदेड सिटी अग्निशमन केंद्राच्या जवानांनी मृतदेह पाण्याबाहेर काढला असून पुढील उत्तरीय तपासणीसाठी मृतदेह ससून रुग्णालयात पाठविण्यात आला आहे. (Pune News) पुढील तपास हवेली पोलीस करीत आहेत.
अधिक बातम्या वाचण्यासाठी येथे क्लिक करा :
Pune News : पैशांच्या वादातून मित्राच्या डोक्यात कुऱ्हाडीने वार
Pune News : पुण्यातील प्रसिद्ध हॉटेल वैशालीच्या मालकीवरून पती-पत्नीमध्येच रंगला वाद
