पुणे: राज्य निवडणूक आयोगाने (Pune Election) राज्यातील 29 महानगरपालिकांसाठी (Pune Mahapalika Election) निवडणूक कार्यक्रम जाहीर (Ravindra Dhangekar) केला असून मुंबई, पुण्यासह या महापालिकांसाठी 15 जानेवारी रोजी मतदान होणार आहे. 16 जानेवारीला मतमोजणी पार पडणार आहे. आचारसंहिता लागू होताच सर्वच राजकीय पक्षांनी उमेदवार निश्चित करण्यासाठी बैठकांचे सत्र सुरू केले आहे. नेते एकीकडे मुलाखती घेत आहेत, तर दुसरीकडे इच्छुक नगरसेवक उमेदवारी मिळवण्यासाठी जोरदार प्रयत्न करत आहेत. (Breaking News)
पुण्यात राजकारणातही घराणेशाही
स्थानिक स्वराज्य संस्थांच्या निवडणुका या कार्यकर्त्यांच्या निवडणुका म्हणून ओळखल्या जातात. मात्र प्रत्यक्षात कार्यकर्त्यांना संधी मिळते का, असा प्रश्न आता उघडपणे विचारला जात आहे. पुणे महापालिका निवडणुकीच्या इच्छुक उमेदवारांच्या यादीकडे पाहिल्यास सामान्य कार्यकर्त्यांपेक्षा नेत्यांच्या घरातील नावांची संख्या जास्त असल्याचे दिसून येते. पुण्यात 41 प्रभागांतून 165 नगरसेवक निवडले जाणार आहेत. मात्र या जागांवरही नेत्यांची मुले, नातेवाईकच पुढे येत असल्याने कार्यकर्त्यांनी फक्त पक्षासाठी काम करायचे का, असा सवाल उपस्थित होत आहे. (Latest Marathi News)
कार्यकर्त्यांमध्ये नाराजी
एका मोठ्या राजकीय पक्षातील सामान्य कार्यकर्त्याने नाव न सांगण्याच्या अटीवर नाराजी व्यक्त केली आहे. पक्षासाठी रात्रंदिवस काम करणाऱ्या कार्यकर्त्यांना उमेदवारीच्या वेळी बाजूला केले जाते आणि नेत्यांची लाडकी मुले उमेदवार बनतात, अशी भावना कार्यकर्त्यांमध्ये आहे. त्यामुळे स्थानिक स्वराज्य संस्थांच्या निवडणुका या कार्यकर्त्यांच्या असल्याचे फक्त भाषणापुरतेच राहते, असा आरोप केला जात आहे.
नेत्यांच्या घरातल्यांची नावं समोर
पुणे महापालिका निवडणुकीतील इच्छुकांच्या यादीत अनेक नेत्यांच्या घरातील नावे समोर आली आहेत. यामध्ये दिवंगत आमदार, खासदार, माजी मंत्री, विद्यमान आमदार, माजी उपमहापौर यांची मुले, सून, कन्या आणि भाऊ यांचा समावेश आहे. सध्या समोर आलेली अशी 16 नावे चर्चेत असून उमेदवारी जाहीर झाल्यानंतर ही संख्या वाढण्याची शक्यता आहे.
एकीकडे सामान्य कार्यकर्त्यांना उमेदवारीसाठी मोठी धडपड करावी लागत असताना, दुसरीकडे नेत्यांचे आप्तेष्ट सहजपणे उमेदवारी मिळवत असल्याचे चित्र आहे. त्यामुळे कार्यकर्त्यांच्या निवडणुकीत कार्यकर्त्यांचाच बळी जात असल्याची भावना अधिक तीव्र होत चालली आहे.
