पुणे: “मी इथला भाई आहे. दर महिन्याला 6000 रुपये हप्ता दे, नाहीतर इथले सामान विकून पैसे काढणार,” अशी धमकी (Pune Crime) देत लोखंडी अँगल (Pune News) चोरणाऱ्या गुंडाला विरोध केल्यामुळे चिखलवाडी, बोपोडी परिसरात मोठा गोंधळ झाला. या वेळी गुंडाने कार आणि दोन दुचाकींच्या काचा फोडल्या. मात्र या प्रकारात काचेचा तुकडा पायात घुसल्याने तो स्वतःही जखमी झाला आहे. या घटनेप्रकरणी खडकी पोलीस ठाण्यात परस्परांविरोधात गुन्हे दाखल करण्यात आले आहेत. (Breaking News)
खंडणीचा गुन्हा दाखल
याप्रकरणी राज राजन निरभवणे वय 26, रा. सनशाईन ग्रीन्स सोसायटी, चिखलवाडी, बोपोडी यांनी खडकी पोलीस ठाण्यात फिर्याद दिली आहे. त्यानुसार पोलिसांनी अरमान अमीर शेख वय 20, रा. चिखलवाडी, बोपोडी आणि त्याचा साथीदार जोएद उर्फ जब्बा वय 21, रा. चिखलवाडी, बोपोडी यांच्यावर खंडणीचा गुन्हा दाखल केला आहे. ही घटना 7 डिसेंबर रोजी रात्री 12 वाजता चिखलवाडी येथील दिव्यांश मेडिकलसमोर घडली. (Marathi News)
जीवे मारण्याची धमकी
पोलिसांनी दिलेल्या माहितीनुसार, फिर्यादी राज निरभवणे हे सुरक्षा कंत्राटदार असून ते आपल्या कर्मचारी विवेक कांबळे याच्यासोबत कामाच्या ठिकाणी जात होते. त्या वेळी अरमान शेख हा लोखंडी अँगल उचलून नेत असल्याचे दिसल्याने त्यांनी त्याला थांबवले. यावेळी अरमानने आपण या भागातील भाई असल्याचे सांगत दर महिन्याला 6000 रुपये देण्याची मागणी केली आणि नकार दिल्यास जीवाची धमकी दिली. पैसे देण्यास नकार दिल्यानंतर अरमान आणि जोएद यांनी दगडफेक करत कार आणि दोन दुचाकींच्या काचा फोडल्या. या गोंधळात काच लागून अरमान शेख जखमी झाला. (Marathi Batmya)
या घटनेनंतर अरमान शेख यानेही खडकी पोलीस ठाण्यात प्रतितक्रार दाखल केली आहे. त्यावरून राज राजन निरभवणे आणि विवेक विकास कांबळे वय 24, रा. गवळीवाडा, खडकी यांच्यावर मारहाणीचा गुन्हा दाखल करण्यात आला आहे. अरमानच्या म्हणण्यानुसार, खडकी रेल्वे स्टेशन परिसरात त्याच्याशी वाद झाला आणि त्याला मारहाण करण्यात आली. या प्रकरणाचा पुढील तपास पोलीस हवालदार भुजबळ करत आहेत.
