पुणे: गेल्या काही दिवसांपासून पुणे बारामती शटल (डेमो) गाडीचे वेळापत्रक बिघडले असून बहुतेक वेळा होणाऱ्या विलंबामुळे नोकरदार वर्गाला फटका बसत असतानाच आज संध्याकाळी ०६.४५ मिनिटांनी सुटणारी पुणे बारामती शटल तब्बल १ तास २० मिनिटांनी सुटली यामुळे पुणे रेल्वे स्थानकावर व रेल्वे मध्ये मोठ्या प्रमाणात गर्दी झाली होती.
दौंड वरून गाडी उशीरा आली असल्याने आज उशीर झाला असला तरी अनेक वेळा एक्सप्रेस गाडीला प्राध्यान्य दिले जात असल्याने या गाडीला उशिर होत असल्याचे प्रवाशांनी सांगितले . पुणे रेल्वे स्थानकावर प्रवाशांची कायमच मोठी गर्दी असते. हडपसर, लोणी, यवत, केडगाव, पाटस येथे जाण्यासाठी दुपारी ३ नंतर कोणतीही रेल्वे नाही त्यामुळे अनेक प्रवासी यांसह नोकरदार या पुणे बारामती ( ०६.४५ ) गाडीने दैनंदिन प्रवास करत असतात यामुळे या गाडीला कायमच गर्दी असते परंतु आज ही गाडी तब्बल १ तास ४० मिनिटे उशिरा सुटल्याने यानंतर असलेली पुणे दौंड (०८.०५ ) डेमोचे प्रवासी देखील याच गाडीने प्रवास करत असल्याने शटल गर्दीने गच्च भरली होती त्यामुळे प्रवाशांनी संताप व्यक्त केला.
शटल ( डेमो ) विलंबावर तोडगा काढा ?
सातत्याने विलंबाने येणाऱ्या शटल (डेमो ) मुळे यापूर्वीही प्रवाशांनी संताप व्यक्त केला आहे. दहा ते १५ मिनिटे कोणत्याही कारणाशिवाय होणाऱ्या गाडीच्या विलंबाची कोणतीही नोंद होत नाही. त्यामुळे नोकरदार वर्गाला कार्यालयात सबब सांगणे अवघड होते. त्यामुळे नोकरदार वर्गाला त्याचा आर्थिक फटकाही बसतो आहे. अनेकदा दौंड व पुणेवरून वेळेत सुटणारी डेमो रेंगाळत असल्यानेही सकाळी नोकरीवर तर रात्री घरी पोहोचण्यास उशिर होतो समस्येवर लोकप्रतिनिधी व रेल्वे प्रशासनाने कायमस्वरूपी तोडगा काढण्याची मागणी प्रवासी व नोकरदार वर्गांकडून होते आहे.
