पुणे: पुण्यात अपघातांची (Pune Accident) मालिका थांबण्याचे नाव घेत (Pune News)नसल्याचे चित्र पुन्हा एकदा समोर आले आहे. नवले पूल आणि वारजे पूल (Pune Crime) परिसरात वारंवार अपघात (Navale Bridge) होत असल्याने नागरिकांमध्ये भीतीचे वातावरण आहे. अशातच रविवारी रात्री पुण्यातील वारजे परिसरात एकाच वेळेस दोन वेगवेगळे अपघात घडल्याने काही काळ मोठी वाहतूक कोंडी निर्माण झाली. चांदणी चौकाहून साताऱ्याच्या दिशेने जाणाऱ्या मार्गावर हे दोन्ही अपघात घडले. (Pune Breaking News)
वाहतूक ठप्प
पहिला अपघात वारजे पुलावर झाला. एका पिकअप वाहनाने पुढे चाललेल्या ट्रकला जोराची धडक दिली. या अपघातात काही जण जखमी झाले असून त्यांना तातडीने उपचारासाठी जवळच्या रुग्णालयात दाखल करण्यात आले आहे. सुदैवाने या अपघातात कोणाचीही प्रकृती गंभीर नसल्याची माहिती मिळाली आहे. अपघातानंतर काही काळ पुलावरील वाहतूक संथ झाली होती. (Latest Marathi News)
ट्रकचा ब्रेक फेल (Marathi News)
दरम्यान, याच मार्गावर काही अंतरावर दुसरा आणि अधिक गंभीर स्वरूपाचा अपघात घडला. वारजे पुलाजवळ साताऱ्याकडे जाणाऱ्या लेनवर एका ट्रकचा ब्रेक अचानक फेल झाला. त्यामुळे या ट्रकने थेट एका ट्रॅव्हलर बससह इतर 6 वाहनांना जोरदार धडक दिली. या साखळी अपघातामुळे रस्त्यावर एकामागोमाग एक वाहने एकमेकांवर आदळली. अपघाताचे दृश्य पाहून काही काळ परिसरात गोंधळाची स्थिती निर्माण झाली होती.
या साखळी अपघातात कोणालाही गंभीर दुखापत झाली नसली, तरी काही नागरिकांना किरकोळ जखमा झाल्या आहेत. अपघातानंतर ट्रक चालकाचे वैद्यकीय परीक्षण करण्यात आले असून त्याच्याविरोधात संबंधित कलमांनुसार गुन्हा दाखल करण्यात आला आहे.
सुरक्षेचा प्रश्न ऐरणीवर
या दोन्ही अपघातांमुळे चांदणी चौक ते वारजे आणि साताऱ्याच्या दिशेने जाणाऱ्या मार्गावर काही काळ प्रचंड वाहतूक कोंडी झाली होती. वाहतूक पोलिसांनी तत्काळ घटनास्थळी धाव घेत खराब झालेली वाहने बाजूला केली आणि वाहतूक सुरळीत करण्याचे प्रयत्न सुरू केले. सुमारे काही वेळानंतर वाहतूक हळूहळू पूर्वपदावर आली. वारंवार होणाऱ्या अपघातांमुळे या मार्गावरील सुरक्षेचा प्रश्न पुन्हा एकदा ऐरणीवर आला आहे.
