Property Sale News: एकत्रित (संयुक्त) मालमत्ता (Property) ही संकल्पना तर सर्वांना ठाऊक असेल. संपत्तीविषयी अनेक कायदे आपल्याला माहितीच असतील पण एकत्रिक मालमत्तेविषयी हा कायदा माहित आहे का? तूम्हाला नेहमी असा प्रश्न पडलाच असेल ना की, आपल्या वडिलोपार्जित मालमत्तेतील हिस्सा परवानगीशिवाय विकता येतो का? तर कायद्याने याबाबत काही नियम दिले आहेत.चला, तर ते नियम कोणते जाणून घेऊ.
याविषयी भारतीय वारसा कायदा आणि संपत्ती हस्तांतरण कायदा (Transfer of Property Act) काही स्पष्ट नियम सांगतो. जर एखादी संपत्ती किंवा मालमत्ता संयुक्त नावाने आहे, तर त्या प्रत्येक व्यक्तीचा ठराविक हिस्सा त्याच्या मालकीचा मानला जातो. हा हिस्सा म्हणजे “अविभाजित हिस्सा” (undivided share) म्हणून ओळखला जातो. म्हणजेच, मालमत्ता प्रत्यक्षात विभागलेली नसली तरी कायद्याने प्रत्येक मालकाचा एक ठराविक भाग त्याच्या मालकीचा असतो.
एखाद्या वारसदाराला इतरांच्या परवानगीशिवाय हिस्सा द्यायचा असेल तर अश्या वेळी महत्त्वाच्या नियमांकडे दुलर्क्ष करू नका. जर मालमत्ता किंवा संपत्तीचे विभाजन झालेले असेल, (कागदोपत्री) तरच तो व्यक्ती आपल्या वाटी आलेली संपत्ती कुणा दुसऱ्याला विकू शकतो. पंरतू यामध्ये तो संपूर्ण मालमत्ता विकू शकत नाही, यावर त्याचा कोणताही अधिकार नसतो असं हा कायद सांगतो. संयुक्त मालमत्तेत हिस्सा विकण्यापूर्वी इतर वारसदारांची परवानगी घेणं कायदेशीर दृष्ट्या सुरक्षित मानलं जातं. जर एखाद्या व्यक्तीने विनापरवानगी मालमत्तेची विलेवाट किंवा व्रिकी करण्याचा प्रयत्न केल्यास सदर व्यक्तीवर कायदेशीर गुन्हा दाखल केला जातो.
