बिहार: भारतीय जनता पार्टीने बिहार (Politics News) सरकारमधील मंत्री आणि ज्येष्ठ नेते नितीन नबीन (Nitin Nabin) यांची भाजपच्या राष्ट्रीय कार्यकारी (Bihar Politics) अध्यक्षपदी निवड केली आहे. ही नियुक्ती पक्षाच्या (BJP) संसदीय मंडळाने मंजूर केली असून 14 डिसेंबर 2025 पासून ती तात्काळ लागू झाली आहे. गेल्या काही महिन्यांपासून भाजपच्या राष्ट्रीय अध्यक्षपदाची निवड प्रलंबित होती. जे. पी. नड्डा यांचा कार्यकाळ संपल्यानंतरही त्यांना मुदतवाढ देण्यात आली होती. आता पक्षाने संघटनात्मक दृष्ट्या महत्त्वाचा निर्णय घेत नितीन नबीन यांच्याकडे ही जबाबदारी सोपवली आहे. (Breaking News)
नितीन नबीन हे बिहार विधानसभेतील बांकीपुर मतदारसंघाचे आमदार आहेत. ते सलग पाच वेळा निवडून आलेले अनुभवी नेते असून सध्या बिहार सरकारमध्ये मंत्री म्हणून कार्यरत आहेत. विद्यार्थी राजकारणातून त्यांनी आपल्या राजकीय कारकिर्दीची सुरुवात केली होती. त्यानंतर भाजपमध्ये विविध संघटनात्मक पदांवर त्यांनी काम केले आहे. पक्षसंघटनेतील कामाचा मोठा अनुभव त्यांच्याकडे आहे.
भाजपच्या संघटनेत काम करताना नितीन नबीन यांनी अनेक जबाबदाऱ्या यशस्वीपणे पार पाडल्या आहेत. प्रशासकीय कामकाजाची चांगली समज, संघटन बांधणीची क्षमता आणि पक्षाशी दीर्घकाळाची निष्ठा ही त्यांची मोठी जमेची बाजू मानली जाते. याच कारणांमुळे पक्षाने त्यांची राष्ट्रीय कार्यकारी अध्यक्षपदी निवड केल्याचे बोलले जात आहे.
भाजपच्या संघटनेत ही नियुक्ती अत्यंत महत्त्वाची मानली जात आहे. आगामी निवडणुका, राजकीय आव्हाने आणि संघटनात्मक मजबुती यासाठी नितीन नबीन यांची भूमिका महत्त्वाची ठरणार आहे. पक्षाची रणनीती अधिक प्रभावी करणे, कार्यकर्त्यांमध्ये समन्वय साधणे आणि संघटना मजबूत करणे, या जबाबदाऱ्या आता त्यांच्या खांद्यावर असणार आहेत. नितीन नबीन यांच्या नेतृत्वाखाली भाजप संघटना अधिक मजबूत होईल, अशी अपेक्षा पक्षातील नेते आणि कार्यकर्त्यांनी व्यक्त केली आहे.
