Mumbai Crime : मुंबईतून एक धक्कादायक प्रकार घडला आहे. एका ट्रान्सजेंडर टोळीने १९ वर्षीय विद्यार्थ्याचे लैंगिक शोषण केल्याची घटना समोर आली आहे. धक्कदायक बाब म्हणजे या तरुणावर जबरदस्ती करून लिंग बदल शस्त्रक्रिया करायला लावली. पैसे उकळले त्याला धमक्या दिल्या. या सर्व अश्लील कृत्यांचे चित्रीकरणही करण्यात आले. याप्रकरणी पोलिसात तक्रार दाखल करण्यात आली असून पोलिसांनी चौघांना अटक केली आहे. ( mumbai crime)
नेमकं काय घडलं :
मालाड मधील कुरार गावातील अप्पापाडा या भागात राहणारा १९ वर्षीय किशोर सोबत हा प्रकार घडला. त्याने घडलेल्या सर्व प्रकाराची माहिती पोलिसांना सांगितले की, तो म्हंटला की त्याची सुमारे दीड वर्षापूर्वी कावेरी (कार्तिक वेदमणी निकम) तिच्याशी मैत्री झाली. या ओळखीतून मालवणीतील एका ट्रान्सजेंडर गटाची प्रमुख असलेली नेहा खान (नेहा इप्टे) शी भेट झाली. ५ ऑगस्ट रोजी किशोरला नेहाच्या घरी बोलावण्यात आले होते. तिथे गेल्यावर नेहा सोबतचं, कावेरी, भास्कर शेट्टी आणि माही यांच्याशी माझी भेट झाली. बोलता बोलता त्यांनी मला लिंग परिवर्तनासाठी जबरदस्ती करायला सुरुवात केली. जेव्हा मी लिंग परिवर्तनासाठी नकार दिला तेव्हा त्यांनी मला एका खोलीत बंद केले, मारहाण केली आणि अश्लील कृत्ये करायला सुरुवात केली. त्यांनी बळजबरी करत या सर्व प्रकाराचा व्हिडिओ देखील काढला. त्यानंतर ते मला व्हिडिओ व्हायरल करेल असं म्हणत धमकी देत पैशाची मागणी करायचे. व्हिडिओ व्हायरल होईल या भीतीपोटी माझ्या आईने दहा हजार रुपये ट्रान्सफर केले. पण ही टोळी मला माझ्या आईला धमक्या देत पैशांची मागणी करत होती. त्यांनी साडी नेसवून भीक मागायला लावणे, सार्वजनिकरित्या अपमान करणे असेही प्रकार सुरुच ठेवले.
यानंतर २८ ऑक्टोबर रोजी नेहा, तिचा पती सोहेल खान, त्यांचा दत्तक मुलगा भास्कर आणि इतरांनी त्याला सुरतमधील रिपल मॉलजवळील रुग्णालयात नेले. दबाव टाकून काही कागदपत्रांवर स्वाक्षरी करून घेतली आणि लिंग बदल शस्त्रक्रिया करण्यात आली. असे आरोप पिडितचे आल्याचा आरोप आहे. मुंबईत परतल्यावर त्याला घरकाम करायला लावणे, मारहाण आणि ४.५ लाखांची मागणी असा छळ सुरूच होता.
चार आरोपींना अटक (mumbai crime)
४ नोव्हेंबर रोजी तरुणाने त्यांच्या तावडीतून पळ काढला, पण पुन्हा पकडला गेला. यावेळी परिसरातील काही नागरिकांनी हस्तक्षेप करून त्याची सुटका केली. त्यानंतर त्याने धैर्य एकवटून पोलिसांकडे तक्रार नोंदवली.
पोलिसांनी अपहरण, कट रचणे, लैंगिक अत्याचार, खंडणी आणि जबरदस्तीने लिंग परिवर्तन यांसह इतर गंभीर कलमांखाली गुन्हा दाखल केला आहे. प्रकरणातील चार आरोपींना अटक करण्यात आली असून त्यांची चौकशी सुरू आहे.
