LPG GAS News : पश्चिम आशियात वाढलेल्या तणावाचा परिणाम आता थेट भारतीय ग्राहकांवर दिसू लागला आहे. इस्रायल, इराण आणि अमेरिका, इस्रायल व इराण यांच्यातील वाढत्या संघर्षामुळे आंतरराष्ट्रीय बाजारात कच्च्या तेलाच्या किमतींमध्ये चढ-उतार सुरू आहेत. या पार्श्वभूमीवर केंद्र सरकारने घरगुती एलपीजी सिलिंडर वितरणावर नियंत्रण ठेवण्यासाठी काही महत्त्वाचे निर्णय घेतले आहेत.
पेट्रोलियम आणि नैसर्गिक वायू मंत्रालयच्या माहितीनुसार, देशात सध्या पेट्रोल, डिझेल किंवा एलपीजीचा प्रत्यक्ष तुटवडा नसला तरी काही ठिकाणी व्यावसायिक गॅसचा काळाबाजार आणि साठेबाजी होत असल्याच्या तक्रारी मिळत आहेत. त्यामुळे परिस्थिती नियंत्रणात ठेवण्यासाठी सरकारने अत्यावश्यक सेवा देखभाल कायदा (ESMA) लागू करण्याचा निर्णय घेतला आहे. यासोबतच घरगुती गॅस सिलिंडर बुकिंगचा कालावधी 21 दिवसांवरून 25 दिवसांपर्यंत वाढवण्यात आला आहे. म्हणजेच एका सिलिंडरनंतर दुसरा सिलिंडर बुक करण्यासाठी ग्राहकांना किमान 24 ते 25 दिवसांचे अंतर ठेवावे लागणार आहे.
दरम्यान, एलपीजीच्या किंमतीतही अलीकडे वाढ झाली आहे. 7 मार्चपासून लागू झालेल्या नव्या दरांनुसार घरगुती सिलिंडरच्या किंमतीत 60 तर व्यावसायिक 19 किलो सिलिंडरमध्ये 114.5 इतकी वाढ करण्यात आली आहे.
सध्याच्या दरांनुसार राजधानी नवी दिल्ली येथे 14.2 किलो नॉन-सब्सिडी एलपीजी सिलिंडर 913 ला मिळत आहे. मुंबई मध्ये किंमत 912.50, कोलकाता मध्ये 939, तर चेन्नई मध्ये 928.50 इतकी झाली आहे. व्यावसायिक सिलिंडरची किंमत आता 1,883 पर्यंत पोहोचली आहे.
सरकारच्या म्हणण्यानुसार, आयात केलेल्या एलपीजीचा वापर करताना रुग्णालये, शैक्षणिक संस्था आणि अत्यावश्यक सेवांना प्राधान्य दिले जात आहे. वाढत्या जागतिक तणावाच्या पार्श्वभूमीवर पुरवठा साखळी सुरक्षित ठेवणे आणि काळाबाजार रोखणे हेच या निर्णयामागील मुख्य उद्दिष्ट असल्याचे स्पष्ट करण्यात आले आहे.
