Loni Kalbhor : हातभट्टी दारू विक्री करणाऱ्या एकाला लोणी काळभोर पोलिसांनी अटक केली आहे. त्याच्याकडून 3 हजार 600 रुपयांचा मुद्देमाल जप्त केला आहे. ही कारवाई लोणी काळभोर (ता. हवेली) ग्रामपंचायत हद्दीतील रायवाडी रोडच्या लगत काटेरी झुडुपांचे मागे असलेल्या एका खोलीमध्ये शनिवारी (ता.6) साडेसहा वाजण्याच्या सुमारास केली आहे. (Loni kalbhor)
दिलीप सोपान कसबे (वय 50, लोणी काळभोर, पुणे) असे अटक करण्यात आलेल्या आरोपीचे नाव आहे. याप्रकरणी पोलीस अंमलदार घनश्याम कुमार आडके यांनी लोणी काळभोर पोलीस ठाण्यात फिर्याद दिली आहे. पोलिसांना रायवाडी रोडच्या जवळ हातभट्टी दारू विक्री केली जात आहे. अशी माहिती मिळाली होती. मिळालेल्या माहितीच्या अनुषंगाने पोलिसांनी सदर ठिकाणी छापा टाकून कारवाई केली आहे.
या कारवाईत 3 हजार 600 रुपयांची दारू जप्त केली आहे. तर दिलीप कसबे यांच्यावर लोणी काळभोर पोलीस ठाण्यात मुंबई दारुबंदी अधिनियम, 1949 चे कलम 65 ई प्रमाणे गुन्हा दाखल करण्यात आला आहे. पुढील तपास पोलीस हवालदार महेश करे करत आहेत.
