बहरीन: राज्याचे उपमुख्यमंत्री आणि राष्ट्रवादी काँग्रेसचे (Jay Pawar Marriage) अध्यक्ष अजित पवार (Ajit Pawar Dance) यांचे धाकटे पुत्र जय पवार यांचा विवाह सोहळा बहरीनमध्ये मोठ्या उत्साहात सुरू आहे. काही महिन्यांपूर्वी जय पवार आणि ऋतुजा पाटील यांचा साखरपुडा जल्लोषात पार पडला होता, आणि आता 4, 5 आणि 7 डिसेंबर रोजी बहरीनमध्ये त्यांचा विवाह सोहळा आयोजित करण्यात आला आहे. या शाही लग्नासाठी पवार आणि पाटील कुटुंबीयांकडून केवळ 400 पाहुण्यांना निमंत्रण देण्यात आले आहे. (Breaking News)
या लग्नसोहळ्याची विशेष चर्चा होत असतानाच अजित पवारांचे सख्खे भाऊ श्रीनिवास पवार बहरीनला गेले नसल्याचे समोर आले आहे. मात्र, आमदार रोहित पवार आणि नुकतेच विवाह केलेले युगेंद्र पवार यांची उपस्थिती विशेष लक्षवेधी ठरली. खासदार सुप्रिया सुळे यांनी जय पवार यांच्या वरातीचे फोटो आणि व्हिडिओ सोशल मीडियावर शेअर केले असून त्यांनी “जय की बारात” असा उल्लेख केला आहे. खासदार शरद पवार, प्रतिभा पवार आणि सुप्रिया सुळे व्यक्तिशः लग्नाला गेले नसले तरी सुप्रिया सुळे यांनी वरातीचे व्हिडिओ पोस्ट करून आनंद व्यक्त केला आहे.
View this post on Instagram
समोर आलेल्या व्हिडिओमध्ये अजित पवार पांढऱ्या शेरवानीत, डोळ्यावर गॉगल आणि डोक्यावर फेटा बांधून हर्षोल्हासात नाचताना दिसतात. “सैराट” चित्रपटातील “झिंगाट” गाण्यावर अजित पवारांचा डान्स पाहून अनेकांना हा क्षण मनापासून आवडला आहे. वरातीत रोहित पवार आणि युगेंद्र पवार हेही पारंपरिक पोशाखात सहभागी झाले होते.
या लग्नसोहळ्यातील हळदीच्या कार्यक्रमाचे फोटोही समोर आले असून पवार आणि पाटील कुटुंबीयांचा उत्साह स्पष्टपणे जाणवत आहे. नातेवाईकांच्या चेहऱ्यावरचा आनंद आणि उत्सवाचा माहोल पाहून या शाही लग्नसोहळ्याची सोशल मीडियावर मोठी चर्चा होत आहे.
