Indapur News : इंदापूर तालुक्यातील सरडेवाडी टोलनाक्यावर बेकायदेशीर पद्धतीने मांगुर माशांची मोठ्या प्रमाणात वाहतूक करणाऱ्या दोघांना इंदापूर पोलिसांनी ताब्यात घेतले. रात्री उशिरा संशयित वाहन अडवून तपास केला असता, प्रतिबंधित मांगुर माशांचा मोठा साठा आढळून आला.
मांगुर मासे पर्यावरण आणि मानवी आरोग्यास अपायकारक असल्याने राष्ट्रीय हरित न्यायाधिकरणाने त्यांच्या पैदाशीस, विक्रीस आणि वाहतुकीस संपूर्ण बंदी लागू केली आहे. हीच बंदी मोडून मोठ्या प्रमाणावर वाहतूक होत असल्याचे निदर्शनास आल्यानंतर तातडीने ही कारवाई करण्यात आली.
पोलिसांची मोठी कारवाई
या कारवाईत 15 लाख 50 हजार रुपये किमतीचे वाहन आणि चार लाख 90 हजार रुपये किमतीचे मांगुर मासे असा मिळून एकूण 20 लाख 45 हजार रुपयांचा मुद्देमाल जप्त करण्यात आला असून पुढील तपास इंदापूर पोलिस करीत आहे …
