BIG NEWS पुणे, ता. 14 : देशातील अत्यंत महत्त्वाच्या मानल्या जाणाऱ्या जनगणना 2027 मोहिमेसाठी पुणे नोंदणी विभागातील कर्मचाऱ्यांची मोठ्या प्रमाणावर नियुक्ती करण्यात आल्याने आता नागरिकांच्या दैनंदिन दस्त नोंदणी सेवांवर परिणाम होणार आहे. विभागातील वरिष्ठ व कनिष्ठ लिपीक संवर्गातील उपलब्ध मनुष्यबळ मोठ्या प्रमाणावर जनगणना कामात गुंतल्याने तब्बल 15 सह दुय्यम निबंधक कार्यालयांचे कामकाज तात्पुरत्या स्वरूपात बंद ठेवण्याचा निर्णय प्रशासनाने घेतला आहे. BIG NEWS
दि. 15 मे ते 16 जून 2026 या कालावधीत जनगणना प्रक्रियेचे कामकाज पार पडणार असून, यासाठी कार्यालयातील वरिष्ठ आणि कनिष्ठ लिपीक संवर्गातील कर्मचाऱ्यांची मोठ्या प्रमाणावर नियुक्ती करण्यात आली आहे. विशेष म्हणजे, कार्यालयात कार्यरत असलेल्या सुमारे 50 कर्मचाऱ्यांपैकी बहुतांश कर्मचारी जनगणना मोहिमेत गुंतल्याने नोंदणी विभागातील मनुष्यबळावर मोठा ताण निर्माण झाला आहे.
कोणती कार्यालये राहणार बंद?
सह दुय्यम निबंधक हवेली क्र. 1, 2, 4, 6, 7, 8, 9, 12, 14, 16, 17, 18, 22, 24 आणि 26 ही एकूण 15 कार्यालये या कालावधीत पूर्णपणे बंद राहणार आहेत. BIG NEWS
ही कार्यालये सुरू राहणार
सह दुय्यम निबंधक हवेली क्र. 3, 5, 10, 11, 13, 15, 19, 20 (अर्थडेड), 21, 23, 25 आणि 27 ही 12 कार्यालये मर्यादित मनुष्यबळासह सुरू राहणार आहेत. दरम्यान, सह जिल्हा निबंधक कार्यालयात केवळ आवक-जावक आणि परतावा अर्ज स्वीकारण्याचे काम सुरू राहील. इतर बहुतांश सेवा तात्पुरत्या स्वरूपात बंद ठेवण्यात येणार आहेत. BIG NEWS
दस्त नोंदणीसाठी नागरिकांची चिंता वाढली
मे-जून हा कालावधी मालमत्ता व्यवहारांसाठी महत्त्वाचा मानला जातो. अशा वेळी अनेक कार्यालये बंद राहणार असल्याने सुरू असलेल्या कार्यालयांवर प्रचंड ताण येण्याची शक्यता आहे. परिणामी दस्त नोंदणी, मालमत्ता व्यवहार आणि कर्जप्रकरणांमध्ये विलंब होण्याची शक्यता व्यक्त केली जात आहे. प्रशासनाने नागरिकांना सुरू असलेल्या कार्यालयांशी संपर्क साधण्याचे आवाहन केले असून, सेवा वितरणात काही प्रमाणात विलंब होऊ शकतो, असेही स्पष्ट केले आहे.
“जनगणना हे राष्ट्रीय कर्तव्य”
प्रशासनाकडून सांगण्यात आले की, जनगणना हे देशाच्या विकास नियोजनासाठी अत्यंत महत्त्वाचे राष्ट्रीय कार्य असून सर्व नागरिक, दस्त लेखक आणि संबंधितांनी प्रशासनाला सहकार्य करावे. BIG NEWS
