सध्या मार्चचा अर्धा महिना संपला आहे. तरी उन्हाचा तीव्र कडाका जाणवत आहे. या कडक उन्हामुळे आणि उष्णतेमुळे अनेकांना त्रास जाणवू शकतो. त्यात काहींना अशक्त वाटू लागते, आजारी पडतात. अशावेळी आहार, व्यायाम आणि काही साध्या गोष्टींचे आवर्जून पालन करावे लागते.
उन्हाळ्याच्या दिवसात शरीरातील पाण्याचे प्रमाण कमी झाल्याने तसेच शरीरातील पाण्याच्या प्रमाणाचा समतोल बिघडल्याने व्यक्तीला चक्कर, डोळ्यासमोर अंधारी येण्यासह उन्हाचा ताप, डोळ्यांची आग, मूत्राशयाची समस्या यांसारख्या समस्यांचा सामना करावा लागू शकतो. अशा परिस्थितीत ‘हिट स्ट्रोक’ अर्थात उष्णाघात टाळण्यासाठी आपल्या आहारात अशा पदार्थांचा समावेश करा, जे पचनक्रिया सुधारतात. सरबत प्यायल्याने उष्माघातात आराम मिळतो. कवठ सिरपमध्ये भरपूर फायबर असते, ते पचन सुधारण्यास आणि बद्धकोष्ठता दूर करण्यास मदत करते.
याशिवाय, यामध्ये असलेले अँटीऑक्सिडंट गुणधर्म आणि व्हिटॅमिन-सी रोगप्रतिकारक शक्ती मजबूत करण्यास मदत करतात. तसेच पुदिन्याची ताजी पाने खाल्ल्याने उष्माघातापासून आराम मिळू शकतो. यामध्ये असलेले मेन्थॉल शरीराला थंड ठेवण्यास मदत करते. यासोबतच उष्माघातापासूनही बचाव होतो. कीवी हे फळही उन्हाळ्यात गुणकारी ठरू शकते. कीवीचे नियमित सेवन केल्याने शरीरातील पाण्याची कमतरता दूर होऊ शकते. यामध्ये असलेले पोटॅशियम उष्माघातापासून आराम देण्यास उपयुक्त ठरते.
