पुणे: बाळ जेव्हा 1 वर्षाचे (Baby Diet) होते, तेव्हा त्याचा आहार आणि पोषण याकडे विशेष लक्ष देणे गरजेचे असते. या वयात बाळाच्या वाढीचा वेग अधिक असतो आणि त्याला आईच्या दुधासोबतच ठोस आहाराची गरज भासते. 1 वर्षाच्या बाळाला कोणते पदार्थ खाऊ घालावेत, जेणेकरून त्याचे आरोग्य चांगले राहील, याबाबत आहारतज्ज्ञ (Dietitians) महत्त्वाचा सल्ला देत आहेत.
1 वर्षाच्या बाळाचा आहार कसा असावा?
1 वर्षाच्या बाळाला संतुलित आणि पोषक आहार देणे आवश्यक आहे. या वयात बाळाच्या जेवणात प्रथिने, जीवनसत्त्वे आणि खनिजे यांचा समावेश असणे गरजेचे आहे.
बाळाच्या आहारात समावेश करावे लागणारे पदार्थ:
-
1. दुग्धजन्य पदार्थ:
1 वर्षानंतर बाळाला गाईचे किंवा म्हशीचे साधे दूध देऊ शकता. दह्यामध्ये प्रोबायोटिक्सअसल्याने पचनक्रिया चांगली राहते.
पनीर चे छोटे तुकडे देऊ शकता.
-
2. संपूर्ण धान्ये आणि तृणधान्ये :
कॅल्शियमसाठी नाचणीची आंबील किंवा खीर उत्तम आहे. ओट्सची खिचडी, गव्हाची लापशी किंवा अगदी लहान मऊ भाकरी. मऊ भात, खिचडी किंवा डाळ-भात देणे योग्य राहील.
-
3. प्रथिने :
मऊ शिजवलेली डाळ (मसूूर, मूग), डाळीचे सूप किंवा मोड आलेली कडधान्ये (चांगले शिजवलेली) खाण्यासाठी द्यावेत.
-
4. फळे आणि भाज्या :
हंगामी फळे देऊ शकता. गाजर, भोपळा, रताळे, पालक यांसारख्या भाज्या उकडून, मॅशकरून किंवा मऊ खिचडीमध्ये मिक्स करून द्याव्यात.
महत्त्वाचे नियम आणि काळजी:
-
शक्य असल्यास बाळाच्या आहारात 1 वर्षापर्यंत मीठ आणि साखर वापरणे टाळावे.
-
कडक अन्नपदार्थ छोटे तुकडे करून किंवा मऊ करून द्यावेत जेणेकरून ते बाळाच्या श्वासनलिकेत अडकणार नाहीत.
-
चिप्स, पॅकेज्ड फूडआणि तळलेले पदार्थ देणे टाळावे.
-
बाळाला दिवसभर पुरेसे पाणी द्यावे.
तज्ज्ञांच्या मते, बाळ 1 वर्षाचे झाल्यावर हळूहळू ते कुटुंबासोबत जेवणारे अन्न खाण्यास सुरुवात करते, त्यामुळे त्याच्या आवडीनिवडी लक्षात घेऊन आहार द्यावा.
