पुणे : मुंबई-बंगळुरू बाह्यवळण मार्गावर नवले पूल परिसरात ट्रक आणि दुचाकीचा भीषण अपघात झाला. या अपघातात दुचाकीवरील दांपत्यापैकी पत्नी जागीच ठार झाली असून पती जखमी झाला आहे.
ज्योत्स्ना सूर्यकांत वाघुले (वय.४० रा.दिघी) असे अपघातात मृत्यू झाला असून तर सूर्यकांत वाघुले (वय. ४६) असे जखमी झाले आहेत.
पसार झालेल्या ट्रकचालकाच्या विरोधात गुन्हा दाखल करण्यात आला असून याप्रकणी सूर्यकांत वाघुले यांनी सिंहगड रोड पोलिस ठाण्यात फिर्याद दिली.
मिळालेल्या माहितीनुसार, दुचाकीवरील वाघुले दांपत्य मुंबई-बंगळुरू बाह्यवळण मार्गावरून निघाले होते. यावेळी वडगाव उड्डाणपुलाजवळ आले असता, भरधाव ट्रकने दुचाकीला धडक दिली. या अपघातात गंभीर जखमी झालेल्या ज्योत्स्ना यांचा उपचारांपूर्वीच मृत्यू झाला तर त्यांचे पती सूर्यकांत हे जखमी झाले आहेत.
याप्रकणी सूर्यकांत वाघुले यांनी सिंहगड रोड पोलिस ठाण्यात फिर्याद असून या घटनेचा तपास पोलीस करत आहेत.
