भिगवण: पोंधवडी ग्रामपंचायतीच्या हद्दीत बंडगरवाडी येथे पुणे सोलापूर महामार्गलगत एका अनोळखी पुरुषाचा मृतदेह आढळून आला आहे.
याबाबत भिगवण पोलीस सूत्रांकडून मिळालेल्या माहितीनुसार सदरील घटना 08/07/2022 रोजी घडलेली असून फिर्यादी यांच्याच गावातील व्यक्तीने भिगवण पोलीस ठाण्याला फोन करुन कळवीले की , पोंधवडी गावचे हद्दीत बंडगरवाडी येथे पुणे सोलापुर हायवे रोडलगत कि.मी.नं. 103/330 चे तीन मोऱ्या असलेल्या पुलाचे जवळ सर्व्हिस रोड लगत एक पुरुष इसम मयत स्थितीत पडलेला आहे .
सदर ठिकाणी जावुन पाहीले असता एक अनोळखी पुरुष जातीचे प्रेत वय , अंदाजे 50 ते 55 वर्षे , अंगाने मजबुत त्याचे नेसणीस आकाशी रंगाचा फुल बाह्याचा शर्ट, निळसर उभ्या रंगाची पॅन्ट असे असलेला तो मयत दिसला त्याचे उजवे कानाच्या खाली खरचटलेले व नाकातुन स्त्राव झालेला दिसत असुन उजवे हाताचे मनगटाजवळ खरचटलेली जखम दिसत आहे.
अनोळखी मृत पुरुषाबद्दल जर कोणाला माहीत असेल तर भिगवण पोलीस ठाण्याशी संपर्क करण्याचे आवाहन केले आहे पुढील तपास भिगवण पोलीस ठाण्याचे पोलीस उपनिरीक्षक रुपनवर करीत आहेत .
