Pune News पुणे : पुण्यातील बावधन परिसरामध्ये असलेल्या एका इमारतीची लिफ्ट कोसळून दुर्घटना घडली. सुदैवाने यात कोणतीही जीवितहानी झाली नाही. पण या लिफ्टमधून जाणाऱ्या दोन मुलांसह त्यांची आई दहाव्या मजल्यावर पोहोचताच ही लिफ्ट कोसळली. या घटनेचा व्हिडिओ सध्या मोठ्या प्रमाणात व्हायरल होत आहे. (Pune News)
महिलेला मुलांसोबत सातव्या मजल्यावर जायचं होतं. पण ही लिफ्ट सातव्या मजल्यावर थांबलीच नाहीत. त्यानंतर मुलानं सातव्या मजल्याचं बटण दाबलं पण तरीही लिफ्ट थेट दहाव्या मजल्यावर जाऊन थांबली. लिफ्ट थांबताच मुलं आणि महिला बाहेर आले. त्यानंतर लिफ्टचा दरवाजा बंद झाला. पण काही क्षणातच दहाव्या मजल्यावर थांबलेली लिफ्ट खाली कोसळली. (Pune News)
घटनेचा व्हिडिओ होतोय व्हायरल
ही संपूर्ण घटना तेथे असलेल्या सीसीटीव्ही कॅमेरात कैद झाली असून, या घटनेचा व्हिडिओ मोठ्या प्रमाणात व्हायरल होत आहे. दरम्यान, जर या मायलेकरांनी लिफ्टमधून बाहेर पडताना थोडा जरी उशीर केला असता तर क्षणात होत्याचं नव्हतं झालं असतं, अशीच परिस्थिती निर्माण झाली होती. सुदैवाने यात कोणतीही जीवितहानी झाली नाही.
