Pune News : पुणे : पुणे शहर आणि परिसरात लैंगिक अत्याचारांचे प्रमाण वाढत आहे. कात्रज परिसरामध्ये एका १७ वर्षांच्या मुलीला पॉर्न व्हिडिओ दाखवून तिचे लैंगिक शोषण केल्याचा धक्कादायक प्रकार उघडकीस आला आहे. हा प्रकार २०१७ ते २०२० दरम्यान वारंवार घडल्यामुळे पीडित मुलगी मनोरुग्ण बनली आहे. या गंभीर प्रकरणात पोलिसांनी एकाला अटक केली आहे.
कात्रज परिसरातील घटना
याबाबत मिळालेल्या माहितीनुसार, पीडित मुलीच्या आईने भारती विद्यापीठ पोलीस ठाण्यात मंगळवारी (ता. १०) फिर्याद दिली. त्यानुसार ऋत्विक गणेश दगड (वय २३, रा. कोंढवा रोड, कात्रज) याच्यावर पोक्सो कलमानुसार गुन्हा दाखल करुन, अटक केली आहे.
याप्रकरणी पोलिसांनी दिलेल्या माहितीनुसार, आरोपी ऋत्विक दगड हा मुलीच्या घरच्यांच्या परिचयाचा होता. त्यामुळे त्याचे मुलीच्या घरी नेहमी येणे-जाणे होते. (Pune News) घरी आल्यावर तो १७ वर्षांच्या मुलीला पॉर्न व्हिडिओ दाखवून तिचे लैंगिक शोषण करत असे. अनेकदा त्याने पिडीत मुलीसोबत गैरकृत्य केले.
दरम्यान, आरोपीच्या सततच्या त्रासामुळे मुलीच्या मनावर विपरित परिणाम झाला. तिला वेडाचे झटके येण्यास सुरुवात झाली. अखेर हे प्रमाण वाढल्याने ती मानसिक रुग्ण झाली. (Pune News) या गंभीर घटनेनंतर पोलिसांनी आरोपीवर पोक्सो कायद्याअंतर्गत गुन्हा दाखल करुन आरोपीला अटक केली आहे.
अधिक बातम्या वाचण्यासाठी येथे क्लिक करा :
Pune News : प्राईड हॉटेलच्या जलतरण तलावात बुडून प्राध्यापकाचा मृत्यू; सहा महिन्यांनंतर घटना उघड
Pune News : कोलकात्याहून पुण्यात आलेल्या प्राध्यापकाचा हॉटेलच्या जलतरण तलावात बुडून मृत्यू
