NEET Paper Leak : पुणे : देशभर गाजत असलेल्या ‘नीट’ प्रश्नपत्रिका फुटी प्रकरणाचे धागेदोरे आता पुण्यापर्यंत पोहोचल्याचे समोर आले आहे. पुणे पोलिसांनी बिबवेवाडी परिसरातून एका ब्यूटी पार्लर चालक महिलेसह अभियांत्रिकी शिक्षण घेणाऱ्या विद्यार्थ्याला ताब्यात घेतले असून, या दोघांची चौकशी सुरू आहे. NEET Paper Leak
पोलिस आयुक्त अमितेश कुमार यांनी दिलेल्या माहितीनुसार, प्राथमिक चौकशीनंतर संबंधित महिलेला केंद्रीय गुन्हे अन्वेषण विभागाच्या (CBI) ताब्यात देण्यात आले आहे. तर विद्यार्थ्याकडे अधिक चौकशी सुरू असून, या रॅकेटमध्ये त्याची भूमिका काय होती याचा तपास केला जात आहे. NEET Paper Leak
‘नीट’ पेपरफुटी प्रकरणाचा तपास सध्या सीबीआयकडून देशभरात सुरू आहे. सीबीआयने पुणे पोलिसांना काही महत्त्वाच्या सूचना दिल्यानंतर ही कारवाई करण्यात आली. तपासादरम्यान राहुरी येथील धनंजय लोखंडे नावाच्या संशयिताचा संपर्क पुण्यातील काही व्यक्तींशी असल्याचे उघड झाले. NEET Paper Leak
त्यानुसार बिबवेवाडीतील सुखसागरनगर परिसरात राहणारी मनीषा वाघमारे ही महिला आणि मांजरी भागातील शेषराव सोळंकी हा अभियांत्रिकी विद्यार्थी पोलिसांच्या रडारवर आले. विद्यार्थ्यांचा शोध घेणे, त्यांच्याशी संपर्क साधणे आणि आर्थिक व्यवहार हाताळणे, अशी जबाबदारी या दोघांकडे होती का, याचा तपास सुरू आहे. NEET Paper Leak
धनंजय लोखंडे हा गेली काही वर्षे पुण्यातील वाघोली परिसरात राहत होता. पोलिसांनी त्याचा माग काढल्यानंतर तो पसार झाला होता. मात्र, सीबीआयच्या नाशिक पथकाने त्याला राहुरी परिसरातून ताब्यात घेतले. तपासात लोखंडे आणि मनीषा वाघमारे यांच्यात मागील तीन वर्षांपासून संपर्क असल्याचे निष्पन्न झाले आहे. NEET Paper Leak
प्राथमिक तपासात वाघमारे विद्यार्थ्यांना लोखंडेकडे घेऊन जात असल्याची माहिती समोर आली आहे. तिच्या बँक खात्यात ‘नीट’ परीक्षेच्या काळात सुमारे दहा लाख रुपयांचे व्यवहार झाल्याचेही तपासात उघड झाले आहे. तसेच मोबाइल संभाषण, सोशल मीडियावरील संदेश आणि आर्थिक व्यवहारांची चौकशी सुरू असून तिचे मोबाइल फोन जप्त करण्यात आले आहेत. NEET Paper Leak
दरम्यान, मांजरी परिसरातून ताब्यात घेतलेला शेषराव सोळंकी हा सायबर सुरक्षा अभ्यासक्रमाचे शिक्षण घेत असल्याची माहिती आहे. विद्यार्थ्यांना जाळ्यात ओढण्याची जबाबदारी त्याच्याकडे होती का, याची चौकशी सुरू आहे. ‘नीट’ परीक्षेपूर्वी काही दिवस आधी प्रश्नपत्रिका उपलब्ध होणार असल्याची माहिती लोखंडेने त्याला दिल्याचा संशय पोलिसांनी व्यक्त केला आहे. या प्रकरणात आणखी काही जण सहभागी आहेत का, याचाही तपास सीबीआय आणि पुणे पोलिसांकडून सुरू आहे. NEET Paper Leak
