पुणे Hadapsar News : हडपसरमधील साधना विद्यालयाच्या जलतरण तलावामध्ये पोहायला गेलेल्या सोळा वर्षाच्या मुलाचा बुडून मृत्यू झाल्याची धक्कादायक घडल्याची माहिती समोर आली आहे. या प्रकरणी हडपसर पोलीस ठाण्यामध्ये आकस्मित मृत्यूची नोंद करण्यात आली आहे.
मामासोबत तलावात पोहायला गेलेल्या भाच्यावर काळाचा घाला
कृष्णा गणेश शिंदे (वय १६ रा. माळवाडी, हडपसर) असे तलावात बुडून मृत्युमुखी पडलेल्या मुलाचे नाव आहे.
हडपसर पोलिसांनी दिलेल्या माहितीनुसार, कृष्णा हा माळवाडी काळूबाई वसाहत येथे राहत असून साधना विद्यालयात नववीत शिकत होता. शाळेच्या प्रवेशद्वार शेजारी जलतरण तलाव आहे. कृष्णा हा मामासोबत तलावात पोहायला गेला होता. कृष्णा सकाळी नऊ वाजण्याच्या बॅचला जलतरण तलावामध्ये गेला होता. पोहून झाल्यानंतर मामा बाहेर आले.
दरम्यान कृष्णा हा कपड्यासह पाण्यात बुडाला असल्याचे समजताच इतरांनी कृष्णाला बाहेर काढले. कृष्णाला जवळील दवाखान्यात नेले. मात्र, डॉक्टरांनी उपचारापूर्वीच मृत्यू झाल्याचे सांगितले.
अधिक बातम्या वाचण्यासाठी येथे क्लिक करा :
Hadapsar News : हडपसरमधील अल्पवयीन मुलगा कुसगाव डॅममध्ये बुडाला…
Hadapsar News : हडपसरमधील अल्पवयीन मुलगा कुसगाव डॅममध्ये बुडाला…
