कोथरूड : मोक्का कारवाईतून कारागृहातूनबाहेर आलेल्या अट्टल गुंडाने एकावर गोळीबार केल्याची धक्कादायक घटना वारजे येथील रामनगर भागात शुक्रवारी (ता.१६) रात्री घडली आहे. यामुळे परिसरात दहशत पसरली असून नागरीकांमध्ये भीतीचे वातावरण आहे.
कार्तिक इंगवले असे गोळीबार करणाऱ्या गुंडाचे नाव आहे.
पोलिसांनी दिलेल्या माहितीनुसार, इंगवले हा सराईत गुन्हेगार आहे. नुकताच तो मोक्का कारवाईतून कारागृहातूनबाहेर आला होता. कार्तिक इंगवले याने शुक्रवारी रात्री इंगवले याने दुचाकीवरून जात असताना पाठीमागील दुचाकीस्वारावर गोळीबार केला.
या घटनेत कुणीही जखमी नाही.या गोळीबाराची माहिती मिळताच वारजे पोलिसांनी घटनास्थळी धाव घेतली असून आरोपीचा शोध घेण्यात येत आहे.
