Big Breaking पुणे : राष्ट्रीय तपास संस्थेकडून (NIA) पुण्यात मोठी कारवाई करण्यात आली. पुण्यातील हडपसर तेथील नामांकित नोबेल हॉस्पिटलमध्ये अनेक वर्षे काम करणाऱ्या भूलतज्ञ डॉ. अदनान अली याला ‘इसिस’ या दहशतवादी संघटनेशी संबंध असल्याच्या आरोपातून अटक करण्यात आली आहे. डॉ. अदनान अली याला एनआयएने कोंढवा परिसरातून अटक केली आहे. (Big Breaking)
डॉ. अली याच्यावर तरुणांना इसिसमध्ये भरती करण्याची जबाबदारी असल्याच्या आरोपातून कारवाई करण्यात आली. राष्ट्रीय तपास संस्थेने इसिस महाराष्ट्र मॉड्यूल प्रकरणात अटक केली आहे. या प्रकरणातील ही पाचवी अटक आहे. एनआयएच्या तपासात इलेक्ट्रॉनिक गॅझेट्स आणि इसिसशी संबंधित अनेक दस्तऐवज यासारख्या अनेक दोषी साहित्य जप्त करण्यात आल्याचे म्हटले आहे.
पुण्यातल्या तरुणांची करायचा संघटनेत भरती
डॉ. अदनान अली सरकार या 42 वर्षीय डॉक्टरला अटक करण्यात आली आहे. हा डॉक्टर पुण्यातील तरुणांना प्रेरित करायचा आणि या तरुणांना इसिस या संघटनेमध्ये भरती करायचा, अशी माहिती समोर आली आहे.
आत्तापर्यंत चौघांना अटक
पुण्यात इंजिनियरला अटक केल्यानंतर त्याच्याकडे कसून चौकशी केली जात होती. त्यानंतर आता एनआयएकडून ही पाचवी अटक करण्यात आली आहे. मुंबई, ठाणे आणि पुणे येथे मोठ्या प्रमाणावर शोध घेतल्यानंतर 3 जुलैला एनआयएने इतर चार जणांना मुंबईत अटक केली होती.
