पुणे : दारु पिण्यासाठी पैसे न दिल्याने आपल्या सोबत काम करणाऱ्या मजूर मित्राच्या डोक्यात लोखंडी रॉड मारुन खून करण्यात आला. १९ डिसेंबर रोजी सकाळच्या सुमारास हा प्रकार घडला.
पुचू मनदुवा मुरमु (वय ४९, रा. कुमार पॉप्रर्टिज साईट, मगरपट्टा) असे खून झालेल्या व्यक्तीचे नाव आहे. संजय कुनु चौरसिया (वय १९, रा. लेबर कॅम्प, मगरपट्टा, मुळ उत्तर प्रदेश) या तरुणाला हडपसर पोलिसांनी अटक केली आहे. याप्रकरणी सद्दाम हुमायून हुसेन (वय ३१) यांनी फिर्याद दिली आहे.
फिर्यादी यांच्याकडे आरोपी आणि मयत लेबर काम करतात. मगरपट्टा परिसरातील बांधकाम साईड जवळ असणाऱ्या लेबर कॅम्पमध्ये दोघेही राहतात. आरोपी हा मयताला वेळोवेळी दारू पिण्यासाठी पैसे मागत पैसे न दिल्यास त्याला मारहाण करत होता.
सोमवारी मध्यरात्री संजय याने पुचु याच्याकडे दारु पिण्याकरीता पैसे मागितले होते. त्याने पैसे देण्यास नकार दिल्याने रागाच्या भरात संजय याने बाजुला पडलेल्या लोखंडी रॉडने पुचु यांच्या डोक्यात रॉड मारुन त्याचा खून केला.
पोलिसांनी शोध घेऊन संजय चौरसिया याला अटक केली असून पोलीस उपनिरीक्षक कविराज पाटील अधिक तपास करीत आहेत.
