पुणे : सीरम इन्स्टिट्यूटमध्ये कामाला लावतो असे सांगून २८ जणांकडून ४१ लाख १५ हजार रुपये घेऊन फसवणूक करण्यात आल्याची घटना उघडकीस आली आहे. याप्रकणी सासवड पोलिस ठाण्यात देण्यात आली.
त्यानुसार मंगेश राजाराम पवार (रा.तुकाईदर्शन, फुरसुंगी) याच्यावर सासवड पोलिस ठाण्यात गुन्हा दाखल करण्यात आला आहे. तर अनिकेत जगन्नाथ जगताप (रा. ताथेवाडी, ता. पुरंदर) असे फिर्याद दिलेल्या व्यक्तीचे नाव आहे.
पोलिसांनी दिलेल्या माहिती नुसार, फिर्यादी अनिकेत जगताप यांच्या एका मित्रानेसीरम कंपनीत मॅनेजरपदावर काम करणारे मंगेश राजाराम पवार यांनी मला पैसे घेऊन सीरम कंपनीमध्ये असिस्टंट एक्झिकेटीव्ह पदावर कामाला लावले असल्याचे सांगितले. फिर्यादी अनिकेत यांची ओळख त्यांच्या मित्राने मंगेश पवार याच्यासोबत करून दिली. त्यानंतर पवार याने सीरम कंपनीमध्ये शैलेशप्रमाणेच असिस्टंट एक्झिकेटीव्ह पदावर कायमस्वरुपी नोकरीला लावतो असे सांगत 1 लाख 50 हजार द्यावे लागेल असे सांगितले.
तसेच फिर्यादी याने मंगेश पवार यांच्या खात्यावर आगोदर २५ हजार पाठीविले. मग त्यानंतर २० हजार रुपये पाठवून पुन्हा ५० हजार रुपये अशी रक्कम पाठवली.उर्वरित 55 हजार रुपये रक्कम रोख रक्कम पवार याला हडपसर येथे दिली. लाखो रुपये घेतल्यानंतर बनावट नियुक्तीपत्र, ओळखपत्र देऊन नोकरी न देता पवार यानी आपली फसवणूक केल्याचे अनिकेत यांच्या लक्षात आले. अनिकेत याने याप्रकणी सासवड पोलिस ठाण्यात फिर्याद दिली. त्यानुसार मंगेश पवार याच्यावर गुन्हा दाखल करण्यात आला आहे.
दरम्यान अनिकेत प्रमाणेच मंगेश पवार याने अनेकांकडून सीरम कंपनीमध्ये नोकरीला लावण्याचे आमिष दाखवून ऑनलाइन व रोख स्वरूपात लाखो रुपये घेतले आहेत. हा आकडा तब्बल ४१ लाख १५ हजार रुपये आहे. या घटनेचा पुढील तपास पोलीस करीत आहेत
