Solapur Politics: उपमुख्यमंत्री एकनाथ शिंदेंच्या शिवसेनेचे सोलापूर जिल्ह्याचे माजी संपर्कप्रमुख शिवाजी सावंत ( Shivaji Sawant) यांच्या भाजप प्रवेशाला थांबा मिळाला आहे. त्यांचा आज होणारा पक्षप्रवेश अचानक पुढे ढकलण्यात आला आहे. यामुळे जिल्ह्याच्या राजकीय वर्तुळात चर्चांना उधाण आले आहे. शिवाजी सावंत हे राज्याचे आरोग्यमंत्री तानाजी सावंत (Tanaji Sawant) यांचे मोठे बंधू आहेत. या पार्श्वभूमीवर या पक्ष प्रवेशाला महत्व प्राप्त झाले होते. (Solapur Politics Latest News)
प्रवेश लांबणीवर (Shivaji Sawant)
समोर आलेल्या माहितीनुसार, सोलापूर जिल्ह्यात शिवाजी सावंत हे शिंदे गटातील प्रभावी नेते आहेत. संपूर्ण जिल्ह्यात त्यांचा चांगला जनसंपर्क आहे. याचा विचार करता भाजपन त्यांच्यासाठी फिल्डिंग लावली होती. त्यानंतर आज त्यांचा भाजप प्रवेश होणार होता. मात्र तूर्तास हा प्रवेश लांबणीवर पडला आहे.
कारण काय? (Tanaji Sawant)
शिंदे सेनेचे नेते तानाजी सावंत यांचा राजकारणातील प्रभाव आणि हस्तक्षेप हा त्यांचे बंधू शिवाजी सावंत यांच्या भाजप प्रवेश न होण्यामागे कारणीभूत असल्याची चर्चा जिल्ह्याच्या राजकीय वर्तुळात होत आहे. तानाजी सावंत यांचे फडणवीस यांच्याशीही चांगले संबंध असल्याने त्यांनी हस्तक्षेप करून या प्रवेशात खोडा घातला असल्याचे म्हटले जात आहे. त्यामुळे शिवाजी सावंत यांचा भाजप प्रवेश पुढे ढकलण्यात आला आहे.
हेही वाचा: पुण्यात चाललंय काय? लग्नाचे आमिष दाखवून बलात्कार, 3 महिलांना फसवले; 2 जणांना अटक
