Pachgani News : पाचगणी : कला, सांस्कृतिक कलागुणांनी नटलेला ‘आय लव्ह पाचगणी फेस्टिव्हल’ १ ते ३ डिसेंबर या कालावधीत होणार आहे. मावळते अध्यक्ष राजेंद्र भगत यांनी नवनिर्वाचित अध्यक्षांच्या हाती सूत्रे देऊन फेस्टिव्हल कमिटीच्या अध्यक्षपदी शिवाजीराव शिंदे याची निवड करण्यात आली आहे.
प्रेक्षकांचा उदंड प्रतिसाद
राजेंद्र भगत म्हणाले, पर्यटन नगरी पाचगणी शहराची स्वतंत्र ओळख निर्माण होत असलेला ‘आय लव्ह पांचगणी’ फेस्टिव्हलला प्रेक्षकांचा उदंड प्रतिसाद मिळत आहे. भारत पुरोहित म्हणाले, मावळते अध्यक्ष राजेंद्र भगत यांच्या मार्गदर्शनाखाली २०२२ चा फेस्टिवल यशस्वी झाला असून, या फेस्टिव्हलमध्ये हजारो पर्यटकांनी मनसोक्त आनंद घेतला.
जोव्हर ओनवाला, सुनील कांबळे, शॉरम जवामर्दी यांनी मनोगत व्यक्त केले. यावेळी फेस्टिव्हल यशस्वी करण्यासाठी योगदान देणाऱ्या कार्यकर्त्यांचा मान्यवरांच्या हस्ते सन्मानचिन्ह देऊन गौरविण्यात आले.
यावेळी फेस्टिवल कमिटीचे उपाध्यक्ष शॉरम जवामर्दी, सेक्रेटरी किरण पवार,जॉ. सेक्रेटरी मुराद खान, खजिनदार निहाल बागवान आदी मान्यवर उपस्थित होते. सूत्रसंचलन राजेंद्र भगत तर नितीन भिलारे यांनी आभार मानले.
