करमाळा : करमाळा मतदारसंघातील ज्या गावांमध्ये अद्यापही बस सेवा सुरू झालेली नाही, अशा गावांमध्ये बस सुरू करण्यासंदर्भात शिंदे यांनी महाराष्ट्र राज्य मार्ग परिवहन महामंडळाच्या अधिकाऱ्यांना सूचना केल्या होत्या. त्यानुसार करमाळा-पांडे-म्हसेवाडी ही बस सेवा २०२४ च्या नवीन वर्षात ४ जानेवारीपासून सुरू झाली आहे. यामुळे ग्रामस्थांमध्ये समाधानाचे वातावरण आहे. बस सेवा सुरू करण्यासाठी अंकुश पाटुळे आणि संतोष ननवरे यांनी विशेष पाठपुरावा केला.
आमदार संजय शिंदे यांनी जानेवारी २०२३ मध्ये करमाळा मतदारसंघाचा गाव भेट दौरा केला होता. या दौऱ्यात गावकऱ्यांकडून आलेल्या विविध मागण्या, समस्या यावर तोडगा काढून उपाययोजना करण्यासंदर्भात त्यांनी त्या-त्या विभागाला सूचना दिल्या होत्या. या विभागाच्या बैठका घेतल्या होत्या. त्यानुसार करमाळा मतदारसंघातील ज्या गावांमध्ये अद्यापही बस सेवा सुरू झालेली नव्हती, अशा गावांमध्ये बस सुरू करण्यासंदर्भात शिंदे यांनी महाराष्ट्र राज्य मार्ग परिवहन महामंडळाच्या अधिकाऱ्यांना सूचना केल्या होत्या. त्यानुसार करमाळा-पांडे-म्हसेवाडी ही बस सेवा सुरू झाली आहे.
नवीन बस सेवा सुरू झाल्यानिमित्त बसचे चालक नागनाथ चव्हाण आणि वाहक बालाजी तुंदारे यांचा ग्रामस्थांनी सन्मान केला. याप्रसंगी अर्जुननगर-म्हसेवाडीचे उपसरपंच त्रिंबक ननवरे, चंद्रकांत पाटुळे, पानाचंद बंडगर, भाऊसाहेब अडसुळ, अंकुश पाटुळे, सुनील लोखंडे, दीपक ननवरे, माधव पाटुळे, विलास ननवरे, अशोक लोखंडे, संतोष ननवरे, हरिश्चंद्र बंडगर, पोपट बिचकुले, नागनाथ ननवरे, अर्जुन खरात, खंडू ननवरे, रमेश ननवरे, दीपक लोखंडे, महादेव पाटुळे, अशोक ननवरे, सुदाम आदलिंग, आबा पाटुळे आदी ग्रामस्थांसह विद्यार्थी उपस्थित होते.
