Nashik News : नाशिक : समृद्धी महामार्गावर अपघाताची मालिका सुरूच आहे. हा महामार्ग मृत्यूचा सापळा बनत आहे. काल हज यात्रेसाठी मुंबईहून संभाजीनगरच्या दिशेनं जात असताना समृद्धी महामार्गावरील वैजापूरजवळ अपघात झाल्याची घटना ताजी असताना आज आणखी एक भीषण अपघाताची घटना समोर आली आहे. इनोव्हा कारच्या चालकाचं वाहानावरील नियंत्रण सुटल्यानं भीषण अपघात झाला आहे. या अपघातामध्ये चार जण ठार तर चार जण जखमी झाले आहेत. (Fatal accident on Samriddhi Highway; Four dead, four injured)
सिन्नर परिसरात झाला अपघात
नातेवाईकांना हज यात्रेसाठी मुंबईल सोडून परत येत असताना ही अपघाताची घटना घडली आहे. जखमींना उपचारासाठी शिर्डीच्या सुपर स्पेशालिटी रुग्णालयात दाखल करण्यात आलं आहे.
रज्जाक अहमद शेख, (55), सत्तार शेख लाल शेख, (65), सुलताना सत्तार शेख, (50) यांचा जागीच मृत्यू झाला. तर फैयाज दगुभाई शेख (40) यांचा उपचार सुरु असताना मृत्यू झाला.(Nashik News) तर जुबेर रज्जाक शेख, (35), मैरूनिसा रज्जाक शेख (45), अझर बालन शेख, (25), मुस्कान अजर शेख (22), हे गंभीर जखमी झाले आहेत.
मिळालेल्या माहितीनुसार, नातेवाईकांना हज यात्रेसाठी मुंबईला सोडून परतत असताना सिन्नर परिसरात चालकाच कारवरील नियंत्रण सुटल्यामुळे इनोव्हा कार महामार्गाच्या मध्यभागी असलेल्या संरक्षण भींतीला जावून आदळली. हा अपघात इतका भीषण होता की यामध्ये चार जणांचा मृत्यू झाला.(Nashik News) अपघाताची माहिती मिळताच घटनास्थळी पोलीसांनी धाव घेतली व जखमींना शिर्डीच्या सुपर स्पेशालिटी रुग्णालयात उपचारासाठी रुग्णालयात दाखल केले.
अधिक बातम्या वाचण्यासाठी येथे क्लिक करा :
Nashik News : प्रसिद्ध अभिनेते नितेश पांडे यांचे हृदयविकाराच्या तीव्र झटक्याने निधन
